Matyu 22:30 - Nobonob Baibel

³⁰ Amu eɗua hibaittak haen dimppa danab ag ah ii diimna, ah ele ag danab ii diimna. Iitta. Ag engel hab aabppa daatteb bia daaglag.

Matyu 22:30 Referans Kwoze

Matyu 24:38

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, anam heegeg ukke, Noa uubppa teum.

Revelesen 19:10

Anam a amu da nug noobppa dup noin binag mekkulnu nug baegppa laippun gatel qaun oin gomelen, iɗul wanppa memi, amge nug da amelppa aum. “Na anam ii hemana! Da na, amu na laipad ele, ag oh Jesusnu oolagppa genab doonna, nuhignu mehuqtteb ele, da na ag ele, ig oh am Kayaknu maɗi nid. Na Kayak noobppa dup nona binag me! Aɗinu? Propet ag Kayak Ouɗi ɠagattagppa Jesusnu mehuqak heppig, amubia Jesusnu mehuqak oh am Kayak Ouɗi ɠagattagppa bette,” awa aum.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Matyu 13:43

Haen amuppa amu genab tutukku hak aɗi, ag am Kayak bekkod, ag Mamelagnu ɗo maɗoɗ ooppa daanna, ag aam amahala miag atiak daatte bia miag atiak daaglag. Danab nug daug ele dayeb, nug doyaɗ!” awa aum.

Sam 103:20

Engel ag, ag Yawe humitteg! Ao, ag engel aun aɗi ag ɠagattag ele, ag Nug aɗi keeke hekkulagnu atte dooglagnu daulag human daan hetteb ele amu, ag Nug binag meig!

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Sekaraia 3:7

“Yawe Nukka Ɠagattag Oh Ele Nug inam atte. Na dahil ib, ɗo dahil ele dim lamidkkut dayeb, da Yawe, da heppi, na dahil lag, dahil lagnu haɗap ele gumakkut. Amu da heppi, na ⌊engel⌋ imu hippaidna daatteb oolagppa uɗin daakkut.

Matyu 22:31

Amge eɗua hibaittak amunu amu ag Kayak naippa, nai laa Kayak Nug ag dooglagnu Moses amegppa mattie, nug yom amu, ag iite ebqeppig. Nai amuam inam.