Matyu 21:9 - Nobonob Baibel

⁹ Ag anam duqeg, Jesus ugekke, danab ah kuɗumnab ag anuqna ukkaegeg, laa ag Jesus dim lamittegeg gona, ag oh enan appig. “Ig Dawit Bekka onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Kayak, Nug attannab daatte amu, ig Nug onig humatu!” aon eppig.

Matyu 21:9 Referans Kwoze

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Matyu 23:39

Aɗinu? Da ag amelagppa attem. Ag da baula paha ii aniɗmana. Iitta. Ag, ‘Laa nug Naɗi onigppa uɗitte amu, ig Naɗi Nug itidkkunu oonig daatte,’ awona, ag da eɗun aniɗkkulag,” awa aum.

Matyu 21:15

Amge haen mana mettak danab okkai amu ɗo mehuqak danab ele ag Jesus kobol enanag heum anidna, nid naunau ag oolag gamag ahe, Kayaknu mettid lag nuhig tomppan keeke oh ele appa, “Ig Dawit Bekka onig humatu!” enan appig ele anidna, amu mana mettak danab okkai amu ɗo mehuqak danab ele ag oolag nauhe,

Matyu 9:27

Jesus Nug aab amu uua ugekke, danab aɗit amelah gaɗuak ele aa Nug dim lamidya, onigppa eyaya apiɗ. “Dawit bekka, na ihinihnu oot gai-iitta doona oot metan ehanite!” aoya epiɗ.

Sam 148:1

Ag Yawe binag meig! Ao, keeke oh hab attan daatteb amu, ag Yawe binag meig! Ge, keeke oh habppa daatteb amu, ag Nug binag meig!

Matyu 21:10

Danab ah ag anam eegeg, Jesus Nug Jerusalem aab ooppa no, danab ah aab okkai amu ooppanu ag huanak ottaina appig. “Danab umu am aun?” aon appig.

Luk 13:35

Antteg! Ag ⌊Jerusalem daatteb amu, ag⌋ appalag am geha uɗ ba, aab dakkeɗ bia daakku. Da ag amelagppa attem. Ag da baula paha ii aniɗmana. Iitta. Ag, ‘Laa nug Naɗi onigppa uɗitte amu, ig Naɗi Nug itidkkunu oonig daatte,’ awona, ag da eɗun aniɗkkulag,” awa aum.