Matyu 21:46 - Nobonob Baibel

⁴⁶ Ag anam doona, aɗaglagnu ib madippig, amge danab ah kuɗum ag Jesusnu, Nug am propet laa dooppig amunu, ag Nug aɗaglagnu baɗappig.

Matyu 21:46 Referans Kwoze

Matyu 21:11

Ag anam oɗ meeg amu, danab ah kuɗumnab ag Jesus omalppig ele ag appig. “Nug amu Jesus, Nug am propet, Galilinu aab Nasaret danab,” aon appig.

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Aposel 2:22

Amu Israel danab ag nai imu doyeg! Da ag amelagppa Jesus, Nasaret ted, nuhignu appi dooglag. Ag akka aakku dootteb, Kayak Nug ehanitte, Nug ag oolagppa kobol danab haknu elele iitta, uɗat ɠagattagnab, Kayak dabmettaknu kobol danab haknu elele iitta digdig heum. Kayak he, Jesus anam heum, amuam Kayak Nug Jesus me neum ippunadtte.

Jon 7:7

Wanppan danab ah wannu kobol dim lamadtteb amu, ag oolagppa ahilagnu nau ninig ele dooglagnu elele iitta, amge dahilnu ag anam dootteb. Aɗinu? Da haen oh kobol eheɗ ag hetteb ele, da amunu madittem.

Luk 7:39

Amu haen ɗo gumak danab-Parasia, Jesus onigppa e uɗiom ele, nug keeke amu antta, nug inam dabmakppa aum. “Danab umu Nug genab propetlob amu, ah umu eppeg bahia aɗatte amu, Nug nuhig kobol ele doolo. Ah umu nug hipunin ah,” awa aum.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Aisaia 29:1

⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Prowerb 15:12

Awa awa qettak danab nug tolitta mettak uutte; nug danab doyak dabmak ena ele nug ulum mettaglagnu gumatta iinab goma.

Matyu 21:45

Jesus Nug keeke danab ag dootteb ii dootteb ele ouaqata, ippuanattak nai laala mattiom amu, mana mettak danab okkai amu ɗo gumak danab-Parasia ele ag Nug ahilagnu nai mattiom dooppig.

Matyu 22:1

Jesus baula keeke danab ag dootteb ii dootteb ele ouaqata, ippuanatta aum.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.