Matyu 21:41 - Nobonob Baibel

⁴¹ Jesus Nug anam a amu, ag appig. “Nug maɗi nid nau amu aqa aut autanab aweb mauhkkulag. Mauhppeg, nug grep dad amu eɗua awa, dad gumak danab laa eppelagppa meeb, dimppa ag meu ena haenppa aon mettaglag,” aon appig.

Matyu 21:41 Referans Kwoze

Aposel 18:6

Amge Juda ag Pol nug Jesusnu nai amu ii mattimanu wagai mena, aon aon qedappig amunu, Pol nug lamen elab nuhigppa kauko dayom amu he ne, nug amelagppa aum. “Ag padal mekkulagtai amu akka beɗulagppa, da eheɗ ii hemi. Amunu gemu da iitta aɗi gumatte gokkul,” awa aum.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Aposel 28:28

Amunu ag doyeg! Kayak Nug ig eɗua awigkkunu uɗat ena imu ihinignu heum amu, Kayak Nug he, iitta aɗi danab dilagppa ukkom, amu iitta aɗi amu, ag am dooglag,” awa aum.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.

Aposel 28:8

Ig appa daautut, Pablius mameg nug beɗu gakkaɗak oɗe amu hioɗak oɗe naunab ele niieye, Pol nug gumitta wana, Kayak unuqittowa, eppeg qaɗeppa me, ena dayom.

Aposel 15:7

Qagmena ag amunu nai kuɗum mattin hena, Pita nug aha amelagppa aum. “O lailad, ag imu dootteb. Anukka Kayak Nug uɗat ig mekkowa, Nug da iitta aɗi amelagppa Nai Ena appi, ag doon oolagppa genab dooglagnu otiɗom.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Sekaraia 13:8

Dahilad danab ah wan ahilagppa huu ewam daaglag. Ag anam daanna, huu aɗit am qep elabppa mauhppeg, huu laippu am bau, ena daaglag.” Yawe Nug anam atte.

Sekaraia 12:12

Israel danab oh aab ikki anen anen daan, ag oh oo doyak naɗinab doon, ag gaaglag. Aab ikki laanu danab, ag danabib daanna, gaaglag. Danab amu waalkad, ag piɗe akka daanna, gaaglag. Dawitnu aab ikki danab ag piɗe laa daanna gaappeg, ahilkad ah ag piɗe akka daanna gaaglag. Natannu aab ikki danab ag piɗe akka daanna gaappeg, ahilkad ah ag piɗe akka daanna gaaglag.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Aisaia 65:15

Ag ahilag hak nau, diig amuppa ag bu eheɗ amu aoppeg, dahilad danab ah ag ag onilag diin, anen anen laa amegppa, ‘Yawe Nug amu dilag bu mattom bia, nahip eheɗ laa awaknu anak waappa dayak am amubia daakkunu ool daatte,’ akkulag.” Yawe Nug anam atte. Amu Naɗi Yawe Nug heeb, ag nau hetteb ag mauhkkulag, amge Nug nuhikkud danab ah onig laa matteb ⌊ag enaib daaglag⌋.

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 21:40

Jesus anam awona, Nug nai tuɗitta oɗ mattom. “Aria, ag attem dootteb? Dimppa dad mameg nug uɗia, dad uɗat danab attem hadakku?” awa aum.

Luk 20:16

Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum. Am Jesus Nug nai amu mattie, danab ah ag doyona, ag appig. “Keeke anam amu aib beum!” aon appig.