Matyu 21:4 - Nobonob Baibel

⁴ Aria, keeke amu oh am propet nai laa mattiak, nai amu elele medakkunu heum.

Matyu 21:4 Referans Kwoze

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Jon 12:15

“O danab ah Sion daatteb, ag aib baɗappig! Antteg! King ahilag Nug ahilagppa aakku uɗitte. Nug donki nag ⌊nakok okkai meum⌋ attan dayaya aakku uɗitte.”

Matyu 1:22

Keeke amu oh am propet laa Naɗi oɗe awa, nai mattiom, nai amu elele medakkunu beum. Propet nug inam aum.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Matyu 21:3

Aa anam hebepeɗ, danab laa nug anata, nai laa ab amu, aa inam aiɗ! ‘Naɗi Nug ahilahppa uɗat ele.’ Anam apeɗ amu, nug pahanab mateb, aa diiatya uɗiglah,” awa aum.

Mak 11:7

Ag anam aeg, ippunittak awak danab aɗit aa donki nag ⌊nakok okkai meum⌋ amu aoya, Jesus gumidya ukkaeh, ag lamen ulahnu donki gomeppa duqeg, Jesus Nug donki attan ta dayom.

Luk 19:35

Aria aa donki nag ⌊nakok okkai meum⌋ amu aoya, Jesus gumidya ukkaeh, ag lamen ulahnu ahilag aon, donki gomeppa duqona, ag Jesus ehanitteg, Nug donki nag ⌊nakok okkai meum amu⌋ attan ta dayom.

Jon 12:12

Aria, danab ah huanak ag Pasowanu Hobul anidkkulagnu uɗin Jerusalem daappig. Daaegeg, deɗ naɗi ii nak haenppa, wagɗe deɗ amuppa nekkunu dayom amu, danab ah huanak amu ag Jesus Jerusalem uɗitte amu dooppig.