Matyu 21:39 - Nobonob Baibel

³⁹ Ag anam awona, ag nid amu aɗana, maoeg dad dimittim no, ag qeeg mauhom,” awa aum.

Matyu 21:39 Referans Kwoze

Aposel 2:23

Kayak Nug anukka nuhig doyakppa anam hekkunu nai mattiom, amu Nug Jesus awa, ag eppelagppa me, ag danab nau, ahilag ehanittakppa, ag ad emaitakppa atulna, qeeg mauhom.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Jon 18:12

Nug anam a amu, Romnu ban danab, ahilag ikki ele, amu Juda dilag daup ag Kayaknu mettid lag gumappig ele ag Jesus aɗana, muɗippa hippalppig.

Matyu 26:57

Aria, danab ag Jesus aɗappig ele amu ag Nug aon, mana mettak ikki danab Kaiapas, nug toppa goppig. Appa amu ɗo mehuqak danab, Juda dilag ikki danab ele qagmena daappig.

Aposel 5:30

Amu ag Jesus ad emaitakppa atulna qeeg mauhom amu, ig mamelkad aɗi dilag Kayak Nug he, eɗua hibaittom.

Aposel 4:10

Anam dayeb amu, aria gemu ag oh tutukku dooppeg, am Israel buɗub oh ag ele, ag inamib dooglag. Jesus Kristus, Nasaret ted, ag gemu daatteb imu, ag Nug ad emaitakppa atulppig, amge Kayak Nug he, Nug eɗua hibaittom, amu Nug he, danab imu eɗua ena daya oiyeye ag anidtteb.

Jon 18:24

Jesus anam a amu Anas nug Jesus, muɗippa qakkak ele, Kaiapas, nug am mana mettak ikki danab, nug toppa me ukkom.

Matyu 26:50

Nug anam ootuqitte amu Jesus Nug amegppa aum. “O lai, aɗinu na uɗin, ippa ina daattem?” awa oɗ mettom. Jesus anam a, danab ag Jesus aɗappig.

Matyu 21:38

Nug me ukkom, amge haen dad uɗat danab ag nid amu anidna, akka akka nai mattina appig. ‘Nid imu nug dimppa mamegnu keeke oh aokku amunu, ahappeg, ig qepput mauheb, ig dad nuhig imu aotu!’ aon appig.

Matyu 21:40

Jesus anam awona, Nug nai tuɗitta oɗ mattom. “Aria, ag attem dootteb? Dimppa dad mameg nug uɗia, dad uɗat danab attem hadakku?” awa aum.