Matyu 21:33 - Nobonob Baibel

³³ Jesus baula ele amelagppa aum. “Ag keeke danab ag dootteb ii dootteb ele ouaqata ippuanittak nai imu baula doyeg! Danab laa nug wan ele amu, nug grep dad eppowa, aɗ ita, dad ooppa amu nug grep meu tappa leppu awaknu aben laa ha, nug neekkeb ukkeb aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab, dimppa ag dad amunu meu laih mettaglagnu ag eppelagppa mewowa, nug aha, atu laih umanab ukkom.

Matyu 21:33 Referans Kwoze

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Jon 15:1

Da am muɗi grep ebekkud diig genab. Da anam daaiyi amu, da Mamel Nug am dad gumak danab.

Luk 19:12

Nug mattia aum. “Anuqak danab laa nug aha, wan laappa uma ukkeb, appa ag nug nuhig wanppanu king daakkunu ehah medappeg, dimppa amu nug eɗua uɗia, king daakkunu dabmeum.

Hosea 4:1

O Israel danab ah, ag ahilag wanppa daatteb amu, Yawe Nug ag aakku diia, hettoɗiakppa waum amunu, ag Yawenu nai doyeg! Nug ahilagnu atte. “Ahilag wanppa amu, oo metta ii uuak kobol, oo mauhaknab kobol ele ii daaeheh, ag ele Kayak nakok laa ii dootteb.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Matyu 23:2

“Ɗo gumak danab-Parasia amu ɗo mehuqak danab ele ag Mosesnu ɗo ag ippunadtteb, Moses nug nuhig haenppa dayaya heum bia

Matyu 21:28

Jesus Nug nai anam mattiowa, Nug nai baula ele tuɗitta aum. “Ag attem dootteb? Danab laa nug nid danab aɗit ele, amu nug aha ukka, nid tatamnu amegppa, ‘Na gona grep dad dahilppa uɗat he!’ awa a, nid amu nug,

Matyu 13:18

Amunu ag danab nug ee aeg dad okkaippa tauɗomnu nai, nai amuam keeke danab ag dootteb ii dootteb ele ouaqata ippunittak nai amu, nai amunu diig mehuqak doyeg!

Jeremaia 19:3

Na inam akkut. ‘O Juda dilag king, amu Jerusalem danab ah ele ag Yawenu nai doyeg! Yawe Nukka Ɠagattag Oh Ele, Israel dilag Kayak, Nug inam atte. “Doyeg! Da heppi, uug naunab aben imuppa nekku. Danab auntai nug amu nekku dimppa, nug amunu nai dookku amu, nug eheɗ ottaikku.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.

Matyu 20:1

Aria, Jesus Nug nai tuɗitta aum. “Kayaknu ɗo maɗoɗ am imubia. Danab nug wan okkai ele, nug buttuanab aha, ee oɗiak abenppa maɗi nid nuhig uɗat hekkulagnu anadkkunu ukka, nug laa ag deɗ amuppa uɗat aoglagnu daaegeg anatta, nug ag nuhig grep dadppa uɗat hekkulagnu diiom.