Matyu 20:34 - Nobonob Baibel

³⁴ Anam aeh amu Jesus Nug ahilahnu oo bodoetta le me, Nug eppeg aa amelahppa me, geha aakkunab aa amelah obate, neegya ahaya, Jesus dim lamidpiɗ.

Matyu 20:34 Referans Kwoze

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

Luk 22:51

Jesus Nug ippunittak awak danab nug anam he antta, Nug aum. “Kobol amu uueg!” awa aum. Awona Nug danab amu nug daug nakok aɗe, daug eɗua dayom bia tuaɗiom.

Luk 7:13

Haen Jesus Nug ah amu antta, nuhignu oo bodoetta le me, Nug ah amu amegppa aum. “Na aib gaame,” awa aum.

Mak 7:33

Unuqeg amu Jesus Nug nukka danab amu omala, piɗe wana, eppeg doɗo danab daug laih laihppa maate noeh, hunua, lemaɗu aɗom.

Matyu 15:32

Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

Matyu 9:29

Anam aeh amu, Jesus Nug eppeg amelahppa maama aum. “Aa dahilnu oolahppa genab doottep bia, anamnab ahilahppa bekku,” awa aum.

Matyu 8:15

Antta, Nug gumitta wana, ah eppeg nakok aɗa he, beɗu gakkaɗak iitta me, ah amu nug aha digma, ehanittak keeke babaitta ehanittom.

Sam 145:8

Yawe Nug haen oh aɗi hette amu, Nug oo bodoette enanag maɗoɗ ele hette. Nug danab ah dilagnu oo gai-iitta doya oo matta ehanadtte. Nuhig oo nauhak paha ii bette, Nug danab ah dilagnu oo mauhaknab dootte.

Sam 119:71

Da nahip ɗo doye aute awen dabmedakkulnu amu, guittak na meɗame, guittak amuam ehaniɗom; dahilnu am ena.

Sam 119:67

Da eheɗ hein, guittak ii aomi haenppa amu, da ib tutukku apiɗitten oimi, amge na bu meɗai, gemu amu da nahip nai dim lamidttem.

Luk 18:43

Anam aawo, geha aakkunab danab amu ameg obate, neekka aha, ibppa Jesus dim lamittatta, Kayak binag meum. Haen danab ah ag amu anidna, ag ele Kayak binag meppig.

Matyu 9:36

Haen Nug danab ah kuɗumnab anam anatta amu, Nug oo bodoetta le meum. Aɗinu? Ag uug kuɗum ele dooppig, amge ehanittak laa iitta. Ag am doɗ sipsip ag gumak danab iitta, ag amubia daappig.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Matyu 20:33

Nug anam a amu, aa oɗeppa aoi apiɗ. “Naɗi, na heppe i neegkkunihnu oonih daatte,” apiɗ.

Matyu 21:1

Aria ag gona, Jerusalem gukkuidna, ag aab Betpasi, Olipnu Qaukoppa dayom, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,