Matyu 19:7 - Nobonob Baibel

⁷ Jesus Nug anam a amu, ɗo gumak danab-Parasia ag amegppa appig. “Na anam attem, amge attemun Moses nug ihinigppa ɗo laa meum, amu ɗo amuppa danab nug wau lamidkkunu oo dayeb amu nug uɗug laa ewau okkulaknu ya, wau mettowa, lamitteb gokku?” aon appig.

Matyu 19:7 Referans Kwoze

Matyu 5:31

Anukka ag nai imu Moses oɗeppa ele aoppig. ‘Danab laa nug wau uuidkkunu hette amu, nug uɗug laa ewau okkulaknu ya medakku,’

Mak 10:4

Nug anam a amu ag appig. “Moses nug inam aum. ‘Danab laa nug wau lamidkkunu oo dayeb amu, nug uɗug laa ewau okkulaknu ya, wau mettowa lamitteb gokku,’ ” aon appig.

Malakai 2:16

Yawe, Israel dilag Kayak, Nug atte. “Da ewau pakkuak kobolnu amu, da nau ninig ele doottem! Ge, danab nug lamen aɗuitteb nokkunu uug ii dootte, amubia laa nug laa guittak nau mauhnoak mettaknu uug laa ii doya, nug wau lamidtte amu, da kobol amunu nau ninig ele doottem amunu, na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!” Yawe Nukka Ɠagattag Oh Ele Nug anam atte.

Matyu 1:19

Daye amu Maria gamu Josep nug am genab tutukku hak danab, ⌊oo doyak ele⌋ amunu, nug heeb, danab ah dilag neekkakppa Maria uɗa nak guittak ele dookkunu uua, nug lokkumakppa Maria uukkunu dabmeum.

Jeremaia 3:8

Juda ag Israel da dimeɗona kayak hambuppuak laala dim lamadppig anidna, ag da danab nug ah nuhig ewau pakkua gappai hette, diig amunu lamidtte bia, da Israel danab ah ahilag eheɗ haknu nob nau matten lamadmi anidppig, amge Juda danab ah, ag da ippunadmi bia, da dim lamiɗkkulagnu uun henana, ii baɗappig. Iitta. Ag ele ah gamu uuitta ukke, danab laa ele oittep bia, ag da uuiɗna, kayak hambuppuak kuɗum noolagppa dup nona binalag meppig.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Matyu 19:6

Aa anam heya, aa baula aɗit iitta. Aa am laippu. Aa laippu amunu, keeke Kayak nukka matulatom amu, danab laa nug aib otaɗom,” awa aum.

Matyu 19:8

Anam aeg amu Jesus Nug aum. “Ag Kayak oɗe dim lamidkkulagnu uuppig amunu, Moses nug ag ahilkad ah lamadkkulagnu ɗo anam meum. Amge anukka digmak haenppa kobol amu ii dayom.