Matyu 18:4 - Nobonob Baibel

⁴ Amunu laa nug onig qe ne oitte, nid nakok imubia amu, nug Kayaknu ɗo maɗoɗ ooppa, laa oh eɗattak daatte.

Matyu 18:4 Referans Kwoze

Jems 4:10

Ag akka ag Naɗi noobppa ag onilag qeppeg neeb oiyeg! Ag anam daanna oiglag amu, Naɗi Nug ag humatta attan maadkku.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Mak 10:43

Amge kobol amu ag oolagppa aib dayom. Iitta. Danab nug ag oolagppa okkai daakkunu oo dayeb, nug ahilag maɗi nid dayaɗ!

Luk 9:48

Nug ag amelagppa aum. “Danab nug da onilnu nid nakok laa imubia laippu dayaknu ooppa eleleib dootte, nug da ele laippu dayaknu ooppa eleleib dootte. Danab nug da ele laippu dayaknu ooppa eleleib dootte amu nug Laa, Nug he da uɗimi ele, nug Nug ele laippu dayaknu ooppa eleleib dootte. Ag oh oolagppanu danab nug nakoknab daatte amu, nug am anuqak,” awa aum.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Matyu 18:1

Haen amuppa Jesusnu ippunittak awak danab ag Jesus gumidna uɗin oɗ medappig. “Aun am Kayaknu ɗo maɗoɗ ooppa okkai daatte?” aon appig.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Matyu 18:3

Nug aum. “Da genab ag amelagppa attem, ag oolag ii eɗueb, ag nid naunau ag ⌊mamelkad waalagppa⌋ daatteb bia ⌊Kayak waappa⌋ ii daaglag amu, ag Kayaknu ɗo maɗoɗ ooppa iinab nomana.

Matyu 18:5

Amu ele, danab aun nug da onilnu nid nakok laa imubia ele laippu dayaknu ooppa eleleib dootte amu, nug aakku da ele laippu dayaknu ooppa eleleib dootte.

Mak 9:34

Nug anam oɗ matte amu ag ibppa, aun ag oolagppanu am okkai daattenu aeg ona aeg doum amunu, ag Jesusnu oɗmak amu nob ii meppig.