Matyu 18:28 - Nobonob Baibel

²⁸ Amge haen maɗi nid amu nug noa ugakka, ibppa nuhig uɗat laippu laa anttom; layag amu nug nuhigppanu lon awom, amu lon amunu daden nob men doɗo nakokib. Aria antta, nug layag baagppa aɗe, ulah pehettak aokkunu elele iitta daye, nug amegppa aum. ‘Na lon dahilppanu aome amu, na lon amunu daden nob meɗe,’ awa aum.

Matyu 18:28 Referans Kwoze

Matyu 20:2

Ag deɗ laippunu uɗatnu daden silwa men doɗo tanig ele aoglagnu oolag laippu mena, uɗat hekkulagnu maatte goppig.

Esekiel 45:9

Amu Naɗi Yawe Nug inam atte. “Ag Israel dilag okkai, ag ahilag hak eheɗ am malak. Ag laa guittak nau mauhnoak mettak kobol, danab eheɗ hattak kobol ele uuna, ag nai doya mala hettoɗia epeɗia elele mettak kobol, genab tutukku hak kobol ele heig! Ag hambuppuak kobolppa dahilad danab ah dilag wan baula aib aoppig.” Naɗi Yawe Nug anam aakku atte.

Duteronomi 15:2

Ag inam iikku hekkulag. Danab ag lon Israel laala dilagppa heppig amu, ag lon heppig amu otaɗkkulagoitte. Ag laa lon madappig amu, ag laa lon aoppig, ag ag eɗun nob mekkulagnu ii amana. Aɗinu? Haen amuppa ag laa nug ag amu ii hak haenppa amelagppa a doon malappig doon, ag aakku Yawe ag hekkulagnu aum bia haen doum daatte doon, ag anamib hekkulag.

Aisaia 58:3

Ag amu henana, ag da amelppa atteb. ‘Aɗinu ig ee ohnu kud meta daattem, amge na ii anigttem? Ao, aɗinu ig ikka, ig oninig qeut nette, amge na amunu dabmak nakok laa ii aottem?’ Ag, ag anam atteb, amge ⌊gadon, ag kaliak nau hetteb. Deɗ ag ee ohnu kud mena daatteb amu, deɗ amuppa ag dimittimnuib, da anidkkulnu hetteb⌋. Ag ee oh lamananu genab kud daatteb, amge keeke laa ag oolag hette ele, ag amu hetteb. Ag amu henana, ag ahilkad maɗi nid maɗi ah ele eheɗ hattana, uɗat huanak madatteb.

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Nehemaia 5:7

Da ool huana nauhe, da dabmei ukke, da anuqak danab, Juda dilag ehanittak anuqak danab ele amelagppa naippa yaalatten, da ami. “Ag eheɗ hetteb. Ag laa imu, ag oh tiilag laippu, amu ag lon mattanna, ag eɗun men doɗo amuib mattaglagnu ii atteb. Iitta! Ag lon gane madappig amu, ag amu eɗun mattanna, lonnu intres, ag amu ele mattaglagnu atteb.” Da anam ag amelagppa ami. Da anam awoya, da uug amu ib atten anidta bappaidkkunignu danab kuɗum onilagppa ei uɗieg,

Prowerb 28:3

Danab okkai laa nug daɗek danab ah eheɗ hadatte amu; nug am gu huananab naan he, datta keh keeke iitta metteb, nug amubia daatte.

Matyu 18:27

Awa a amu, danab okkai nug nuhig maɗi nidnu oo bodoetta le me, nuhig lonnu nob oh uhuqa mettom. Uhuqa mettowa, nug he ukkom.

Matyu 18:29

Awa a amu nuhig uɗat laippu nug gateg qaun o, layag amegppa aum. ‘Na dahilnu oot doyeb, amel mekkutnu unuqttem. Da lon nahip-ppanu aomi amu, da lon amunu daden nob oh eɗue medakkul,’ awa aum.

Mak 6:37

Ag anam aeg amu Jesus Nug aum. “Ag ee madappeg laig!” awa aum. Awa a amu ippunittak awak danab ag appig. “Ehe! Ig gota, bret silwa men doɗo 1,000 keeke anamppa daden mekkunigte? Ig men doɗo amubia iittanab iitta,” aon appig.

Mak 14:5

Nug leppu amu meeb, danab laa nug maɗ laippunu uɗat nob eɗittak daden meeb, men doɗo amu daɗek danab mattalo am ena,” aon appig. Ag anam anana amu, ag ah amu eheɗ aidppig.

Luk 7:41

Anam a amu Jesus Nug nai imu mattia aum. “Danab aɗit laa aa danab laanu lon aopiɗ. Danab laa nug nuhig lon amu silwa men doɗo 100, amu laa nuhig lon am silwa men doɗo 10 ele.

Luk 10:35

Gume ukke, wagɗe deɗ amuppa nug silwa men doɗo aɗit awa, ɗo lag mameg amu medatta, amegppa aum. ‘Na men doɗo imuppa danab imu dabmettan autna awe! Na danab imu ehanidppe, men doɗo imu iitta meeb, nug ena daakkunu, na keeke laa men doɗo nahip-ppa daden mekkut dayeb amu, aria dimppa haen da eɗue uɗien, da nob na medakkul,’ ” awa aum.

Jon 6:7

Nug anam od mette amu Pilip oɗeppa awa aum. “Danab oh ag bret huppu nakok nakok lakkulagnu amu, ig bret silwa men doɗo 1,000 eɗittak daden mekkunig daatte,” awa aum.