Matyu 14:33 - Nobonob Baibel

³³ Ulah toette, uub attan daappig ele ag Jesus noobppa dup nona binag mena appig. “Genab na am Kayak Bekka,” aon appig.

Matyu 14:33 Referans Kwoze

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Mak 1:1

Kayak Bekka Jesus Kristusnu Nai Ena am inam niitte.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Jon 17:1

Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Luk 4:41

Ele amu Jesus Nug he, ouɗi nau ag danab ah uuadna, “Na amu Kayak Bekka,” ana enan goppig. Amge ag Nug dooppig, Nug am Kristus amunu, Nug ag baula mattimnanu ag amelagppa, “Aib!” a, ag oɗelag qamutppig.

Mak 15:39

Jesus mauhe, ban daup 100 dilag ikki nug Jesus noobppa dayom, nug Jesus attem mauhom antta, nug aum. “Genab, danab imu Nug Kayak Bekka!” awa aum.

Matyu 28:17

Gona, appa ag Nug anidna, nug noobppa dup nona binag meppig, amge laala ag oolagppa dabmak aɗit ele dayom.

Matyu 28:9

Aa anam ukkaeheh amu, antte! Jesus aa uɗalti teum. Nug ta amu Nug, “Buttua ena,” awa aum. Jesus anam a amu aa Nug gukkuidya waya, baeg aɗaya, aa dup noa binag mak hepiɗ.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Luk 24:52

Nug anam he, ag maɗoɗppan gamag ahak naɗi ele Nug binag mena, ag eɗun Jerusalem goppig.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 15:25

Jesus Nug anam a amu, ah nug uɗia, Jesus noobppa gateg qaun o, “Naɗi na da ehaniɗkkutnu oɗ medattem!” awa aum.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Daniel 3:25

Ag anam aeg, Nebukatnesar nug aum. “Amge antteg! Da danab waɗele qakkalattak iitta, aab aɗuppa oitteb, ag guittak laa ii aotteb anadttem. Ewam ag am danab anadttem, amge waɗele nug am kayak bekkalag laa bia anidttem,” awa aum.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Luk 8:28

Danab amu nug Jesus antta ewa, wanppa Jesus baegppa na qe, Jesus Nug ouɗi nau danab amuppa dayom ele, Nug nug amegppa, “Danab amu uuidna ukke!” awa aum. Nug anam aum amunu danab amu nug baag okkainab ele ewa aum. “Jesus, na Kayak Attannab Laa Oh Eɗattak bekka. Na da attem heiɗkkutnu hettem? Na da guittak nau ii meɗamnanu oo doyak ele oɗ medattem!” awa eum. Haen kuɗum ouɗi nau nug danab amu aɗeɗe, danab ag nug gumanna, eppeg, baeg ele senppa qagttappig, amge nug sen pakkua awe, ouɗi nau nug nug awa aɗe, laih atu taɗakppa gottom.

Mak 14:61

Nug anam aum, amge Jesus Nug nai nakok laa ii mattiom. Aria, mana mettak ikki danab nug eɗua, bau oɗ mettom. “Na am Kristus, Kayak Bekkate o iitta?” awa aum.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Matyu 14:32

Jesus Nug anam Pita amegppa a, haen aa uub attan oolya tepiɗ amu, ulah toettom.