Matyu 14:11 - Nobonob Baibel

¹¹ Baag otaɗa, nug ikki tappiɗppa ma, nid ahin mettom. Nid ahin mette amu, nid ahin nug awa ukka, anig mettom.

Matyu 14:11 Referans Kwoze

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Revelesen 17:6

Da ah amu nug Kayaknu danab ah oppiaawak ele, ag Jesusnu madippig amu, nug ag tiilag, le ɠagattag latteb bia la, kaaka qe dayom. Da anttena, da ottaie dabmak kuɗum aomi.

Esekiel 35:6

Amu Naɗi Yawe Nug inam atte. “Edom danab, ag anam heppig amunu, ag danab qe mauhak danab daatteb. Ag danab qe mauhaknu kobol ii uuppig amunu, da Yawe, da genab bau daattem, genab amubia laa ag ag aqappeg mauhkkulag. Ag amu qe-eɗidkkulagnu elele iitta.

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Prowerb 29:10

Qe mauhak danab ag danab nug nuhig dabmak, oiyak ele am tutukkuib amu, ag nuhignu nau ninig ele dootteb; ag genab tutukku hak danab aqappeg mauhkkulagnu hetteb.

Prowerb 27:4

Danab nug oo nauhkku dayeb amu, nug laa guittak medakkutai. Ao, danab nug oppoɗi be ameg kokoɗ ebatte dayeb amu, nug laa guittak nau medakkutai; amge danab nug dahil doya laa aomanu doyak aɗa daakku dayeb, nug heeb, laa padal mekkunu elele.

Genesis 49:7

Ahilah oo nauhak am eheɗ nau, am eheɗ laa awaknu anak waappa daakkunu ool daatte. Ao, ahilah oppoɗi bak ameg kokoɗ eppak ele am naunab dayeye, aa laa guittak mattaglahnu uug ii doopiɗ. Anam amu, oppoɗi bak amuam eheɗ laa awaknu anak waappa daakkunu ool daatte. Anam amunu, da heppi, aa buɗulti ag da, Jakop, ag da buɗulad oolagppa matatun daan oiglag. Ao, da heppi, aa buɗulti am da, Israel, ag da buɗulad oolagppa piɗe piɗe oiglag.

Matyu 14:8

Nid ahin amu anig nug dabmak mettom amunu nug aum. “Na Layattak Jon baag otaɗna, ikki tappiɗppa mena, haen imuppa meɗakkut,” awa aum.

Matyu 14:10

Nug anam ana amu nug he, maɗi nid laa nug ukka, maniguittakppa appa Jon baag otaɗom.

Matyu 14:12

Layattak Jonnu ippunittak awak danab ag nai doona uɗin, Jon gaɗa aon gona boumppig. Ippunittak awak danab ag Jon boumona, ag gona Jesus amegppa appig.