Matyu 13:55 - Nobonob Baibel

⁵⁵ Nug am lag hak danab bekka! Ig doottem, Maria amu nug anig. Nug amakkud am Jems, Josep, Judas, Saimon ele.

Matyu 13:55 Referans Kwoze

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 3:23

Jesus Nug layattak awom dimppa, Nug nuhig maɗ 30 anam dayaya, Nug uɗat digma heum. Nug am Kayak Bekka, amge danab ah ag nuhignu, “Nug Josep bekka,” aon appig. Josep mameg am Heli.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Jon 19:25

Aria, ag anam heeg amu, Jesus anig, amu laa nug Jesus anig ele aa emakkeg, nug, aria Klopas wau Maria, amu Maria Makdala ted ele, ah amu oh ag Jesusnu ad emaitak guguittak daappig.

Mak 15:47

Nug Jesus gaɗa men moɗppa meeme amu, Maria, Makdala ted, amu Josep anig Maria ele aa aben amu anidpiɗ.

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

Luk 24:10

Maria, Makdala ted, Joana amu Maria, Jems anig, aria ah laala ag ele ag, laa iitta, ag nai amu totol danab amelagppa madippig.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Luk 1:27

Nug nai awa, ah makkun laa danab aokkunu tituanppig ele gumitta ukkom. Danab ah aokkun dayom am onig Josep; nug Dawit buɗub. Ah makkun am onig Maria.

Mak 15:40

Amu Jesus Nug ad emaitakppa dayeye, ah laala ag piɗe daanna, neegna daappig. Ag oolagppan laa am Maria, Makdala ted, laa amu Jems gehanu Josep ele anilah Maria, laa am Salome.

Matyu 27:56

Ag oolagppan laa am Maria, Makdala ted, laa amu Maria, Jems Josep ele anilah, laa amu Sebedi bekoɗ anilah.

Sam 22:6

Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Jon 9:29

Ig doottem, Kayak Nug Moses nai mettom, amge danab imu am adebtagnu uɗiom amu, ig ii doottem,” aon appig.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Luk 8:20

Ag uɗin daaegeg, danab laa nug Jesus amegppa aum. “Na anin, amapad ele ag na anidkkulagnu uɗin, dimittim daatteb,” awa aum.