Matyu 12:28 - Nobonob Baibel

²⁸ Amge da Kayak Ouɗinu ɠagattagppa ouɗi nau lamadttem dayeb amu, ag doyeg, Kayaknu ɗo maɗoɗ aakku ahilagppa uɗiom,” awa aum.

Matyu 12:28 Referans Kwoze

Luk 11:20

Amge Kayak Nug da ehaniɗe, da ouɗi nau lamadttem dayeb amu ag doyeg; Kayaknu ɗo maɗoɗ aakku ahilagppa uɗiom,” awa aum.

Daniel 7:14

Nug gumitta ukke, amu Kayak Hanhan Daatte Nug king daakkunu ehah, binag amahlak oppiaawak ele, ɠagattag okkai, wanppan ɠagattag laa oh eɗattak ele mettom. Danab ah wanppan huu ohppanu, danab ah ɗo maɗoɗ ohppan, amu danab ah nai piɗe piɗe ohppanu ele ag Nug noobppa dup nona Nug binag meppig. Nug hanhan king daakku, laa tuqa ii aoma. Laa ele ɗo maɗoɗ nuhig heeb ii nauhma; gemu, am butti aɗi ele.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Luk 16:16

Ɗo nai, amu Kayaknu propet nai ele, anukka danab ag amu mehuqegeg uɗie uɗie, Layattak Jonnu haen batak; amu Layattak Jonnu haenppa uɗie, gemu ele amu ag Kayaknu ɗo maɗoɗnu Nai Ena mehuqtteb. Amu danab oh ag Kayaknu ɗo maɗoɗ amu ooppa nokkulagnu wagai metteb.

Mak 1:15

Nug nai inam mehuqa aum. “Haen aakku beum dayeye, Kayaknu ɗo maɗoɗ aakku miag doum daatte amunu, ag ahilag hak nau uuna, oolag eɗueb, Nai Enanu oolagppa genab doyeg!” awa aum.

Matyu 21:31

Am nid aɗit amu oolahppa aun nug mameg oɗe dim lamittom?” awa aum. A amu ag appig, “Nid tatamnu,” aon appig. Ag anam aeg, am Jesus amelagppa aum. “Da genab ag amelagppa attem. Takis awak danab, amu ib baag ah ele ag Kayaknu ɗo maɗoɗ ooppa noaknu ib nakok paha neegna anidtteb; ag mana mettak danab okkai, Juda dilag ikki danab ele, ahilag neekka anttak eɗittak.

Luk 9:2

ag gona, Kayaknu ɗo maɗoɗnu nai mehuqnana, danab oɗe ele heppeg ena daaglagnu maatte goppig.

Mak 16:17

Danab ag dahilnu oolagppa genab dootteb ele, ag da onilppa Kayak dabmettaknu kobol danab haknu elele iitta laala imubia hekkulag. Ag ouɗi nau lamadkkulag, ag nailag piɗe piɗe mattiglag.

Daniel 2:44

Baeg wan tabatte, wan aab aɗuppa ewom, aen ele qataqak am king laala ag laippu daaglagnu hekkulag, amge laippunab ii daamna ippunigtte, haen ag amu henan daappeg, haen amuppa Kayak hab attan daatte, Nug ɗo maɗoɗ laa daakkunu heeb, ɗo maɗoɗ amuam hanhan daakku. Ɗo maɗoɗ laa wan atu gumaglagnu ahan, ɗo maɗoɗ amu eɗidna ii aomna. Ɗo maɗoɗ amuam ɗo maɗoɗ oh heeb, iitta mekkulag, amge ɗo maɗoɗ amuam hanhan daakku.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Luk 10:11

‘Ahilag aabnu gappud, ig baenigppa teum daatte amu, ag eheɗ heppig ippunadkkunignu, ig gappud amu iikku oppiut nette, amge ag imu dabmena autna aweg! Kayaknu ɗo maɗoɗ aakku miag doum daatte!’ aon aig!

Mak 11:10

Danab imu Nug ig alanig Dawit king dayom, Nug amubia daakkunu uɗitte, Kayak Nug itidkkunu oonig daatte. Kayak, Nug attannab daatte ele amu, ig Nug onig humatu!” aon appig.

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 12:29

Jesus Nug anam ana, Nug nai tuɗitta aum. “Am danab laa nug attemun danab ɠagattag laa laugppa noa keeke aokku? Am elele iitta amunu, tatam nug danab ɠagattag amu muɗippa hippalowa, nug danab amu laugppa noa, keeke yab aokku.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.