Matyu 11:7 - Nobonob Baibel

⁷ Jesus nai mattia male, Jonnu ippunittak awak danab aa ukkaeh amu Jesus Nug danab ah kuɗum appa daappig amelagppa Jonnu aum. “Ag anukka Jon gumidna atu taɗakppa goppig amu, ag aɗi keeke anidkkulagnu goppig? Ag keeke gai-iitta, qaittobttob bia, ulah he uɗaltte, ag amu anidkkulagnu goppigte? Iitta.

Matyu 11:7 Referans Kwoze

Jems 1:6

Amge haen danab laa nug oɗmak amu hette amu, nug amu aokkunu ooppa genab doyaɗ! Nug, “Da aokkultai o iittatai?” anam aib dabmeum. Danab nug dabmak anam ele, nug am ɠagattag ii daatte; nug am yu ulah heehe, koɗkoɗ qette amubia daatte.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Genesis 49:4

Anam aakku, amge nahip dabmak am ɠagattag iitta amunu, na kobol dubuttid ele hee, na da, na mamen, na da waal amge waalnab iitta, na nug ele niipiɗ amunu, na onin attan dayaknu elele iitta.

Luk 8:18

Ag nai dahil dootteb ele, ag nai amu dabmenan dayeg! Danab nug Kayaknu keeke awa, uɗat pehettak medatte amu, Kayak Nug amu laa ele medakku. Metteb, nug happiak ele daakku, amge danab nug Kayaknu keeke awa, uɗat pehettak ii medatte, nug ‘Da iikku aomi, dahilib daakku,’ atte amu, Kayak nug nuhig keeke awom amu eɗua aɗidkku,” awa aum.

Matyu 21:25

Oɗmak dahil am inam. Jonnu layattak am adeppanu beum? Keeke amuam hab aabppanu keeke, o iitta danabnu keekeib?” awa aum. Jesus anam a amu, ag akka akka mattin appig. “Ig, ‘Habnu keeke,’ apput amu Nug, ‘Anam dayom dayeb amu, ag aɗinu oolagppa genab ii dooppig?’ akku.

Matyu 3:5

Anam amu, haen amuppa Israel danab, laa Jerusalemnu, laa Juda wanppa laih ohnu, laa ag Jodan lenu oolnu noak ohppa daappig ele amu, appan danab ele ag oh ahan, Jon gumidna gona,

Jon 1:38

Jesus Nug eɗua anata, Nug aum. “Aa aɗi madittep?” awa aum. Nug anam a amu, aa apiɗ. “Rabi, na adeppa daattem?” aoi apiɗ. Rabi eɗuak am ippunittak danab.

Matyu 11:8

Anam daatte dayeb, ag aɗi anidkkulagnu goppig? Ag gona, danab laa lamen enanag kobol ele takkom anidkkulagnu goppigte? Iitta. Danab ag lamen enanagnab, kobol ele tagatteb amu, ag king laulkad enanagnabppa daatteb.

Matyu 12:20

Danab laa elele iitta, qaittobttob laa wak ele daatte bia, Nug heeb, nauha autanab ii aoma. Ao, danab laa elele iitta daatte, lam qauhkkunu hette bia, Nug heeb iitta ii mema. Nug uɗat heebeb ukkeb, nai doya mala hettoɗia epeɗia elele mettak kobol am elele medakku.