Matyu 11:6 - Nobonob Baibel

⁶ Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 11:6 Referans Kwoze

1 Korint 2:14

Amge danab nug Kayak Ouɗi ii awom ele, nug Kayak Ouɗinu dabmak ii aotte. Aɗinu? Nug dabmak amunu, “Dabmak tutukku iitta,” anam dabmette. Dabmak amunu amu, Kayak Ouɗi Nug danab ehanidkku dayeb, nug dabmak amunu oo maidkku amunu, danab ag Kayak Ouɗi iitta ele, ag am dooglagnu elele iitta.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Jon 6:66

Jesus Nug nai amu mattiom, haen amuppa amu nuhikkud ippunittak awak danab kuɗum ag Nug dimedappig, tuɗidna Nug dim ii lamidppig.

Matyu 24:10

Am haen amuppa danab ah kuɗum ag dahilnu oolagppa genab doyak ele, ag amu uun, da dimeɗan, akka akka nug dimug mekkulag.

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Galesia 5:11

O lailad, genab da danab ag gaɗalag otaɗkkulagnu nai mehuqttem dayeb amu, aɗinu laala ag da eheɗ heiɗtteb? Am da nai anam mehuqlom, da ig padal mematanu ehanittak Jesus ad emaitakppa mauhomppanu aottem mehuqlom, laa ag dahil nainu dabmak eheɗ aolobte? Iitta.

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Matyu 5:29

Amunu na amen naɗiap he, na hipunin hettem dayeb amu, na amen kehan, maoppe ukkaɗ! Na beɗun laih iitta ele dayebeb, ag na padal mak abenppa ii meidppeg am ena. Na beɗun oh ena dayebeb, padal mak abenppa gokkut am ena iitta.

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Luk 7:23

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Jon 16:1

Ag ahilag ooppa genab doyak ii paɗamnanu da nai imu oh amelagppa ami.