Matyu 11:23 - Nobonob Baibel

²³ Aria aab Kaperneam, na onin okkai, laa oh eɗattak aokkutte? Iitta! Na padal mekkut. Danab laa nug Sodom dilagppa kobol danab hekkunu elele iitta da ahilagppa hemi amubia helo amu, Sodom ag gemu daalob.

Matyu 11:23 Referans Kwoze

Matyu 4:13

Nug ukkom, amge Nug Nasaret ukka daakkunu uua Nug ukka, aab onig Kaperneam, appa ukka dayom. Kaperneam am le ameg Galili ihippa laih Seblon, Naptali buɗulti daadppigppa dayom.

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Revelesen 11:8

Mauhpeɗ amu aa gaɗalah amu aab okkai okkainu ibppa niiglah. Piksa naippa laa ag aab amunu Sodom, Isip ele atteb. Aab amuppa danab ag Kayaknu laa aɗi heehe anttomnu mattiak danab aɗit dilah Naɗi ad emaitakppa atulppig.

Jut 1:7

Kobol amubia laa ele am ag Sodom, Gomora ele, amu aab laala taliliatak eleppa anidkkulag. Appan danab ag gappai henana, ag danab danab ele, o ah ah ele gappai ele heppig amunu, nob nau ahilagppa beum. Nob nau amuam aab ewatte, ag padal mena autna aoeg, hanhan daatte. Ag hak naunu nob nau awaknu antte oo maittaknu kobol daatteb.

Aposel 2:27

Aɗinu? Na geha da ii uuiɗmana amunu, da mauhak daatteb abenppa ii daapa. Ao, geha na nahip Laa Oppiaawak Ele, na Nug ii uuidmana amunu, Nug beɗu ii nauhma.

Luk 14:11

Am danab aun nug onig humatte amu, Kayak Nug heeb, danab amu nug onig nekku, amge danab aun nug onig qe nette amu, Kayak Nug danab amu onig humakku,” awa aum.

Matyu 16:18

amunu, da na amenppa attem. Na am Pita, na am men, amu men imuppa da tamaniak dahil buukkul. Buuppi, Satannu ɠagattag nug qeeb ii nema.

Matyu 8:5

Amu haen Jesus Nug ukka Kaperneam te amu, ban daup 100 dilag ikki laa nug uɗia, Jesus ehanidkkunu inam oɗ mettom.

Obadaia 1:4

Ag ai igel hagagaɗa attannab tette bia attannab tekkulagtai. Ge, ag teɗ ahilag hoɗoppai oolagppa appa bappaidkkulagtai. Anam amge ag amu heloblob, da, Yawe, da heppi, ag nena qena, nauhna autna aoglag.” Yawe Nug anam awa atte.

Gayak Nai 2:1

⌊Israel ag hipunin heegeg,⌋ Naɗi Nug he, nuhig oo nauhak ag tonattom daatte. Anukka Sion am binag okkai ele, amge gemu Jerusalem am binag nakok laa ele iitta. Nug oo nauhak okkai doya; Nug Jerusalemnu, “Aab dahil,” dab-ii-meum.

Luk 16:23

Nug mauhe, nug ukka, Hadesppa guittak naɗi ele dayom. Anam dayaya, nug neekke attan ukke, Abraham umanab dayeye, Lasarus nug ele daaeheh anatom.

Luk 4:23

Aon aeg, aria Nug ag amelagppa aum. “Genabnab genab ag oiyak ehanittaknu nai tutu dahilnu inam akkulag, ‘Dokta, na nakka na beɗun babaitte! Kobol na Kaperneam aabppa he, ig nai doomut ele amu, amubia ippa, imuam na appan diig, ippa ele he!’ aon akkulag.”

Matyu 17:24

Amu dimppa ag gona Kaperneam teppig. Teeg amu Kayaknu mettid lagnu takis awak danab ag Pita toppa uɗin inam appig. “Ahilag ippunittak danab nug Kayaknu mettid lakkanu takis hettete o iittate?” oɗ medappig.

Esekiel 26:20

haen amuppa da heppi, ag Tair danab ah ag danab ah mauhak abenppa goppig daatteb ele daaglag. Danab ah amu laala ag anukkanab mauhna, goppig appa daatteb. Da heppi, ag Hadesppa, danab ag aab he nauhakppa daatteb bia, ag appa laa appa goppig daatteb ele daaglag. Ag Tairnu danab ah ag baula wanppa danab ah bau daanna oitteb oolagppa ii daamna.

Esekiel 31:14

Ad laa amu anam heum amunu, da, Yawe, da ad laa baula anam ii hemanu attem. Ad amuam le guguittak dayaya, ad laa oh eɗata ta, dada ha, ‘Da laa oh eɗattak,’ aum amu, ad laa amubia ii hemanu attem. Ge, da Yawe, da ad laa le guguittak anam dayaya, elabnab amubia ii temanu attem. Aɗinu? Ag oh bunaɗkkulag, danab ag mauhtteb, moɗppa gona, mauhak daattebppa daatteb, amubia bunaɗkkulag,” awa atte.

Esekiel 32:18

“Danab bekka, na Isip danab ah bodok iitta dilagnu, wanppan wan laala ɠagattagnab ele dilagnu ele mahinna, na nahip naippa omaladppe, laa ele appa notteb amu, ag ag ele mauhak abenppa noig!

Esekiel 32:24

Elam, nuhikkud daup huanaknab oh ele ag mauhak daatteb, aben amuppa daatteb. Amu oh ag qep elabppa mauhppig. Ag oh ag bau dayak wanppa daan heeg, laa ag baɗak eheɗ nau dooppig amu, amu oh ag moɗppa nona, iitta aɗi mauhak daatteb, ag appa goppig. Ag laa ag laa eɗadna, akka akka binalag mewona, uɗa nak aon, moɗppa noppig amu, ag amunu uɗa nak ele maon nona, appa nona daatteb.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Luk 10:15

Amu Kaperneam na onin okkai, laa oh eɗattak aokkutte? Iitta! Na padal mekkut,” awa aum.

Aposel 2:31

amu ii nak haenppa nug dimppa Kayak Nug heeb, Kristus Nug mauhakppanu eɗua hippaidkku, mauhak abenppa ii daama, Nug beɗu ele ii nauhmanu aum.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.

Revelesen 6:8

A amu da neekke, hos laa, nuhig beɗu anttak am lanlan geɗaɗa ele, da amu anidmi. Anitti amu danab hos amu attan dayom, nug onig Mauhak. Hades nug nug gukkuitta dim lamitte dopiɗ. Aa dopiɗ, amu wanppan danab ah oh waɗele waɗele oolagppa aa qep elabppa, enugppa, oɗe danab kuɗum aqe mauhttebppa, amu doɗ dakkuɗ oɗelagppa ele hepeɗ, laippu mauhkku, ewam bau daaglagnu ɠagattag aopiɗ.

Revelesen 20:13

Yo, mauhak yuppa daappig, moɗppa daappig, amu Hadesppa daappig ele, ag oh ag Kayak noobppa daaegeg, ag aɗi heppig amuppa epeɗiattom.