Matyu 10:23 - Nobonob Baibel

²³ Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Matyu 10:23 Referans Kwoze

Matyu 16:28

Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Danab Bekkalag da, dahil ɗo maɗoɗ ele awen nebippi, ag mauhkkulag,” awa aum.

Aposel 17:10

Ag anam heeg, Kristen ag tuqan amuppaib Pol, Silas ele maateg, aa aab amu uuya, Beria gopiɗ. Aa Beria teya amu, aa Juda dilag nai doyak lag ooppa nopiɗ.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

Mak 13:26

Keeke amu oh ba maleb, Danab Bekkalag da, da lombig ooppa ɠagattag okkai, amu binag amahlak oppiaawak ele uɗippippi danab ag da aniɗkkulag.

Luk 21:27

Ag anam hebeppeg, Danab Bekkalag da, da lombig laa ooppa ɠagattag, binag amahlak oppiaawak okkai ele uɗippippi aniɗkkulag.

Luk 18:8

Da ag amelagppa attem. Nug am paha ag ehanadkku. Amge Danab Bekkalag da, da eɗue uɗien, haen amuppa geha da wan danab ah ag ooppa genab doyak ele anadkkulte, o iittate?” awa aum.

Jon 7:1

Keeke amu oh dimppa Jesus Nug laih Galili appa ukka oiyom. Juda wanppanu Juda okkai ag Nug qeppeg mauhkkunu heppig amunu, Nug wan amuppa oiyaknu uua aha ukka, Galili appa oiyom.

Matyu 26:64

Nug anam a amu, Jesus Nug oɗeppa awa aum. “Na ame. Amge da ag amelagppa attem. Dimppa Danab Bekkalag da, da Kayak Ɠagattag Oh Ele eppeg naɗiap-ppa daabppi aniɗna, amu ele ag lombig hab waappa daatteb, da lombig amuppa dayeye uɗippippi aniɗkkulag,” awa aum.

Matyu 24:30

Haen amuppa amu Danab Bekkalag da, dahil epponak keeke habppa bekku. Beeb amu wanppanu danab ah oh gaaglag. Gaappeg, Danab Bekkalag da, da lombig hab waappa daatteb, da lombig amuppa ɠagattag okkai, binag amahlak oppiaawak ele uɗippi aniɗkkulag.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Matyu 25:13

Jesus Nug anam ana amu, Nug nai tuɗitta aum. “Anam daakku amunu, ag dabmenan dayeg! Aɗinu? Da eɗuen uɗikkulnu haen amu, ag deɗ, haen ele ii dootteb,” awa aum.

Matyu 24:48

Amge maɗi nid amu nug danab ena iitta daya, ooppa, ‘Danab okkai dahil nug paha ii uɗima,’ dabmekku dayeb,

Matyu 24:27

Ag aakku dootteb, amemɗi nug aam bedeppa digma amahala ukka, aam nodeppa malatte, amubia Danab Bekkalag da, da uɗikkulnu haen amu, da anamib uɗippi aniɗkkulag.

Matyu 23:34

Amunu ag doyeg! Da propet, amu danab doyak dabmak ena ele, ag Kayak nai tutukku dootteb, amu ippunittak danab ele ana maadppi, ahilagppa uɗiglag. Uɗippeg amu ag laa aqappeg mauhppeg, laa ag ad emaitakppa atuladna, ag laa ahilkad nai doyak lag ooppa bu qaun eleppa eheɗ mataɗadkkulag. Ag mataɗadna, ag lamadppeg, ag aab okkai laappa goppeg, baula lamadppeg, aab okkai laappa gona, anamib oiglag.

Matyu 4:12

Amu Jesus Nug Jon maniguittakppa meppig doya, Nug aha, Galili ukkom.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Aposel 20:1

Oqottilag ahom amu iitta me, Pol nug Kristen onilagppa e gumidna uɗieg, nug nai laala ɠagattag aqakkunu amelagppa awowa, uuatta gokkunu dayaya, “Ena dayeg!” awowa, nug aha Makedonia ukkom.

Jeremaia 26:21

Uraia nug Jeremaia aum bia dimppa aɗi bekkunu nai anam mattie, King Jehoiakim, nuhikkud ban danab okkai, nuhikkud ehanittak anuqak danab ele ag nuhig nai doon, king nug qeeb mauhkkunu dabmeum. Nug anam dabmeum, amge laa nug Uraia amegppa dabmak amunu mattie doya, nug baɗa oola, Isip wanppa ukka dayom.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Matyu 23:36

Da genab ag amelagppa attem. Keeke imu oh am danab ah gemu daatteb ele dilagppa bekku.

Matyu 24:34

Da genab ag amelagppa attem, danab ah haen imunu oh ii mauhadppeg, geha keeke amu oh bekku.