Malakai 4:1 - Nobonob Baibel

¹ Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Malakai 4:1 Referans Kwoze

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

Malakai 3:2

Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Aisaia 47:14

Amge iitta! Danab amu ag wit keeke gumu qaɗaiettak, aab paha ewe iitta mette, ag amubia daan, paha nauhkkulag. Ag agakka ehanadna ena daaglagnu elele iitta; wit keeke gumu nug nukka aab ewakppa ha ena daakkunu elele iitta, amubia. Wit gumu ewak amuam aab gakkaɗaknab. Danab nug aab amu guguittaknab dayaya, beɗu gakkaɗak aokkun am iitta. Aab amuam danab nug uɗikka dayaya, ena daakkunu iitta. Amubia uug ag Babilon ahilagppa bekkun daatte am naunab nau ele.

Aisaia 5:24

⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.

Obadaia 1:18

Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Job 18:16

Nau hak danab nug am ad laa, diɗi beɗom bia daatte. Ao, nug ad ebekkud bunaɗom, nug amubia daatte.

Luk 21:20

Amge dimppa haen ag laa dilag daup ag uɗin, Jerusalem talilidppeppeg anidna, ag amuppa dooglag, aab okkai imu he nauhaknu haen aakku miag daatte.

Luk 19:43

Amunu ag doyeg! Geha dimppa haen amu uɗieb, ahilag kekeɗ ag aqaglagnu uɗin talilidna, wan buuppeg teeb, ag aben ohppa ag oo mattan autnanab aona,

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Sekaraia 14:1

Yawenu deɗ naɗi aakku uɗitte. Deɗ amuppa kekeɗ ag uɗippeg, Israel ag neegna daappeg, kekeɗ ag keeke ahilkad akkan gokkulag.

Sepanaia 1:14

Amu Yawenu deɗ naɗi okkai amuam miag uɗiom daatte. Ge, deɗ amuam paha neeb anidkkulagnu miagib daatte Deɗ amuppa, deɗ amuam Yawenu deɗ naɗi aakku, deɗ amuppa danab ah ag eheɗ gaaglag. Ao, ban deɗ amuppa daakku, amu ban danab ag ekkulag.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Joel 2:1

⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!

Eksodas 15:7

Na dagom onin ɠagattag okkai naɗi ele daattem, amu na amuppa, na nahip kekeɗ tabatte noppig. Ao na hee, nahip oo nauhak huanak, aab aɗu bia, amu ag ewatte, ag gikkiɗah bunaɗak aab eotte, ag amubia daappig.

Joel 2:31

Aam nug gatatu maneb, kalam nug kokoɗnab tiig bia daakku. Keeke amu oh bekkulag, amge da Yawe, dahilnu deɗ naɗi, danab deɗ okkai amu antta nug ebehi oh bodoetta le mekku amu, haen deɗ amu ii nak, nekkunu daakku, haen amuppa keeke amu oh bekkulag,” awa atte.

Amos 2:9

O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.

Esekiel 7:10

Ag bu aoglagnu deɗ am oqiom daatte; uma iitta. Ui na, keeke le ibuppa daatte ye gotte, amubia ahilag padal mak am naɗi uɗitte. Wan laa ag bu madakku amu, bu amu nug eppegppanab daatte; am bala mapatom daatte, amubia.

Aisaia 41:2

Aun nug kobol genab tutukku ele dim lamitta haaha, okkai laa aam bedeppa daatte amu, nug nug dabmak metta he, nug yagbak doya aha, ⌊wan kuɗum eɗadkkunu dabmaama hette⌋? Laa nug danab amu he ahom amu, nug wan kuɗum awa, okkai amu eppegppa mette. Ao, laa Nug danab amu he ahom amu, Nug he, okkai amu nug king eɗadtte. Okkai amu nug qep elab nuhigppa wan amu oh he nauhna, gappud bia daatteb. Yo, nug lat nuhigppa king amu oh eɗatte, ag nauhna autna aotteb.

Aisaia 40:24

Danab okkai amu ag am bala danab ebatte, ag amubia daatteb. Nug eppe, okkai mekkunu haaha, diɗi wanppa digma noono, ulah gakkaɗak uɗia he bunaɗtte, amubia Kayak Nug he, danab okkai amu ag iitta metteb. Ag ulah ee aeg dappunkkeg mawa uma gotte, amubia Kayak Nug he, ag ii daatteb.

Sam 119:119

Na laa nug kinipan akke gotte bia, na nau hak danab dilagnu oot ii hette amunu; da nahip ɗonu ool mauhe dim lamidttem.

Luk 6:23

Danab kobol nau amu hetteb ele, anukka ag mamelkad aɗi, ag Kayaknu propet dilagppa ele anam heppig amunu, ag ahilagnu ele anam heppeg amu, aria ag gamalag huana ahebeb, oolag enaib dayaɗ! Aɗinu? Nob ahilag hab aabppa am okkainab.

Aisaia 9:18

Amu nau hak kobol am aab aɗu bia. Aab aɗu keeke qaɗaiettaknab ele ewawa ukka, atuppan ad, keeke laa oh ele ewewe, aab kah huanaknab tette, ⌊amubia hipunin hak kobol am danab ah heeb nauhna autna aoglag.⌋

Aisaia 9:19

Am Yawe Nukka Ɠagattag Oh Ele, Nug oppoɗi beeb, Israel danab ah eheɗ anam madakku. Atu ewa, keeke oh ewa iitta mette, amubia Nug heeb, wan danab ele nauhkkulag. Danab ah ag aab ewaknu aab bia daaglag. Haen amuppa laa nug awag, o amag laa ii ehanidma. Iitta!

Esekiel 20:38

Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.

Esekiel 21:32

Ag Amon ag aab ilaknu aab bau bia daaglag. Danab nau amu ag aqappeg, ag tiilag ag appalag diigppa aakku nekku. Ag amu heppeg, ag oh mauhppeg, laa ag, ag Amon ahilagnu daulag atikku. Ag ahilagnu baula ii dabmemana. Aɗinu? Da Yawe, da anam attem.’ ” Yawe Nug anam aum.

Esekiel 24:11

Ag amu hewona, ag waa ooppan keeke gokkaɗppeg ukkeb, ag waa eɗun, aab aɗuppa meppeg dayaya, huana gakkaɗa, ewa kokoɗ eppaɗ! Aɗinu? Ag anam heppeg, gakkaɗak huanakppa dubuttid oh tolakku. Ao, dubuttid oh am aab gakkaɗakppa iitta mekku.

Esekiel 34:17

Naɗi Yawe Nug anam ana, Nug nai tuɗitta atte. “Amge ag Israel danab ah, ag dahilad sipsip, da ahilagnu inam attem. Da ag oolagppa sipsip gumak danab nug sipsip anen anen epeɗiadtte, da amubia ahilagppa hekkul. Ge, da nug sipsip dawai, meeme dawai ele epeɗiatta, piɗe piɗe maadtte bia hekkul.

Malakai 3:3

Laa nug silwa babaitta epeɗia awak uɗat hette, Nug amubia hekku. Ao, Nug heeb, laa ag gol, silwa ele babaitta epeɗia awak uɗat hetteb, amubia Nug heeb, Lewi buɗub ag oppiak ele daaglag. Nug anam heeb, ag genab tutukku hak danab Yawe eppegppa daan, ag doɗ manadna Yawe mettaglag.

Sam 37:9

⌊Ag nau anam aib heppig.⌋ Aɗinu? Nau hak danab ag geha nauhkkulag. Amge aun aɗi ag Yawenu oolagppa genab dootteb, geha ag ii nauhmana. Ge, ag geha ag aulag wan imu aɗan daaglag.