Malakai 3:15 - Nobonob Baibel

¹⁵ Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Malakai 3:15 Referans Kwoze

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Malakai 2:17

Ag nai laa maditteb, amuppa ag heeg, Yawe Nug bahi yom. Ag anam hetteb, amge ag oɗ metteb. “Ig attem heut, Yawe Nug bahi yom?” oɗ mettan atteb. Eheɗ anak ahilag am inam. “Yawe Nug nuhig neekkakppa, laa ag eheɗ hetteb, ag am danab ah ena daatteb; Nug ahilagnu ena dootte,” aon atteb. Ag amu atteb, o ag imu atteb. “Kayak Nug nai doya mala hettoɗia epeɗia elele mettak kobol ii dim lamidtte,” aon atteb. ⌊Ag hambuppuak amu oh mattiegeg, Yawe Nug ahilag anak amunu bahi yaatte.⌋

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Hibru 3:9

Aben amuppa ag mamelkad aɗi ag da ma anttak okkai meɗanna, ag da aɗi aɗi hemi maɗ 40 aakku anidppig.

Aposel 12:21

Ag anam heeg, Blastus ehanadkkunu ana, Herot amegppa a, aria Herot nug doya, amu hekkunu deɗ laa mewowa, nug deɗ amuppa nug kingnu lamen elab ma, nuhig balal enanagnabppa dayaya, ag amelagppa nai mattiom.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

Daniel 6:16

Ag anam aeg, ɗo anam dayom amunu, king nug haknunab nai anana, ag Daniel aon uɗieg, king Daniel amegppa aum. “Nahip Kayak, na Nug hanhan Nug waappa daan, nuhig maɗi nid daattem amu, Nug heeb, na ena daakkutnu ool daatte,” awa aum. Nug anam awa a, ag nug moɗ naɗi laion daattebppa buɗieg noum.

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Daniel 4:30

nug aum. “Da ɠagattag okkainab ele. Da ɠagattag amuppa hei, ag aab naɗi imu, Babilon, da iguppa daakkulnu iite buuppig. Danab ah ag da king, da dagom onil ɠagattag ele aniɗkkulagnu amu, da dahil ɠagattag naɗinab amuppa hei, ag aab imu iite heppig?” awa aum.

Jeremaia 7:10

Ag kobol amu oh henana, ag da, Yawe, ag lag dahil, da onil lag amuppa daatte, ag da laul amuppa uɗin, da noolppa daanna, ag atteb. ‘Yawe Nug ehanikkeb, ig padal ii memata,’ aon atteb. Ag anam anana, ag kobol nau amu oh, da, Yawe, da kobol amunu oolppa uuaknab doottem, ag kobol amu oh tuɗidna hekkulag dayeb amu, da genab ehanadppi, ag padal iite memana?

Prowerb 12:12

Eheɗ hak danab ag keeke yabhok ibuppa aotteb, amu nau hak danab ag keeke amu ag eppelagppanu aoglagnu oolag hette; amge Kayak he, genab tutukku hak danab ag ɠagattag, ad diɗi ɠagattag daatte, ag amubia daatteb.

Sam 106:14

Atu taɗakppa amu, ag teppu lanaknu baalag huanaknab ukkom. Ao, ag wan meu waknu nakokib elele, appa ag Kayak ma anttak medappig.

Sam 95:9

Ag gemu daatteb, ag mamelkad aɗi ag aben amuppa da ma anttak okkai meɗanna, ag da aɗi aɗi hemi anidppig.

Sam 78:56

Kayak Nug amu oh ahilagnu heum, amge ag Nug ma anttak medappig. Ag Kayak Attannab Laa Oh Eɗattak waappa daaglagnu uun, ag nuhig nai tappeg neum. Ao, ag nuhig ɗo dim lamidkkulagnu uuppig.

Sam 78:41

Haen kuɗum ag Kayak ma anttak medappig. Ao, ag eɗuna heeg, Israel dilag Kayak Oppiaawak Ele, Nug oo nauhom.

Sam 78:18

Ag doonna, ag eenu oolag huananab heumnu Kayak oɗ mettanna, ag Kayak ma anttak medappig.

Sam 73:12

Amuam nau hak danab ah dilag ib aakku. Ag wanppa bau daan oiyegeg, uug ii aqeeqe, ag en okkai aonnaib daatteb.

Sam 49:18

Danab nug bau dayaya, nug enub awawa, nug enub amu ohnu gamag ahakkutai. Ao, nug anam dayebeb, wanppan danab ah ag anidna, ag onig okkai mettaglagtai.

Sam 10:3

Aɗinu? Nau hak danab ag eheɗ henana, en kuɗum aoglagnu dabmenana, ag amu haknu ag akka binalag metteb. Ao, ag danab baubau awaknu hik qak kobol dim lamidtteb binalag mena, ag Yawe Nug eheɗ laa awaknu anak waappa daakkunu anan, dimedatteb.

Job 22:23

Na eɗun, Laa Nukka Ɠagattag Oh Ele dim lamidkkut dayeb amu, Nug heeb, na ena daakkut. Na nakka na awaidna, hak nau ii hena, na lautppa ele hak nau ii daamanu hena,

Job 21:30

Amuam inam. Kayak Nug danab ah laa oh bu madakkunu heehe, eheɗ hak danab ag bu ii aotteb. Ao, laa heehe, eheɗ hak danab ag bu awak haenppa bu ii aotteb.

Job 12:6

Danab laa ag ban hena, laa guittak mettanna, ahilkad keeke aotteb ele, ag maɗoɗ ele daatteb. Ao, laa ag ahilag hakppa heeg, Kayak oppoɗi bette ele, ag baɗak iittappa daatteb. Ag ahilag kayak hambuppuak eppelagppa aɗan maon oitteb.

Esta 5:10

Haman nug anam aakku doyom, amge nug haen amuppa Mordekainu aɗitai laa ii heum; nug laugppa ukkom. Nug ukka, laikkud, amu nug wau Seres ele onilagppa e uɗin qagmeeg,

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.

Sam 58:2

Iitta! Ag epeɗiak henana, ag nai doya mala hettoɗia epeɗia elele mettak kobol dim lamidkkulagnu uun, ag epeɗiak kobol laa kaliak ele, ag kobol nau amu hekkulagnu maittak aotteb. Ao, ag laa guittak nau mauhnoak madatteb.

Sam 141:4

Na da ehaniɗppe, kobol nau haknu oo hak dahilppa ii daamanu oɗ medattem. Ao, na da ehaniɗppe, laa kobol nau hetteb ele amu, ag oolagppa dayaknu oo hak dahilppa ii daamanu unuqidttem. Danab eheɗ hetteb ele ag eheɗ henana, keeke aon, gamalag ahatte, amge da ag hetteb bia hepanu na ehaniɗna, na dahil ib amu oo nekkutnu oɗ medattem.

Eklisiastis 8:14

Keeke laa ele gaɗappa, unuqagppa ele anttak laippu iitta ele; keeke amu ele wanppa daatte. Amuam genab tutukku hak danab ag deɗ laala nau hak danab nob aolob bia ag aotteb; amu deɗ laala nau hak danab ag genab tutukku hak danab nob ena aolob bia aotteb. Kobol amu ele am gaɗappa, unuqagppa ele anttak laippu iitta.

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Job 1:22

Uug digdig amu oh Job nuhigppa beum, amge nug hipunin laa ii heum; Kayak eheɗ heum ele nakok laa ii aum.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.