Malakai 2:15 - Nobonob Baibel

¹⁵ Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Malakai 2:15 Referans Kwoze

Malakai 2:14

Ag gaanna atteb. “Kayak Nug diig aɗinu ihinig mana mettaknu dab-ii-mette?” atteb. Amu Yawe Nug diig imunu ag ii dabmadatte. Ag danab bau daanna, ag anen anen ag ah diinna, ah amu ag waalkad daaglagnu ag ag ele nug tituanna nai qagappig, amge ag nai amu loppaɗna, ii dim lamidtteb. Ag ag waalkad uuadna, ah laa diippig. Ag waalkad ag nid bau daan diippig am ahilkadnab. Ag anen anen ag hanhan ag waalkad amu anamib daaglagnu ag Kayak noobppa nug tituanna, nai qakkanna, ag heppig bia ii hemananu appig, amge ag appig bia ii heppig.

2 Korint 6:18

geha da ag Mamelag daakkul; ag am da bekkalad aɗelad daaglag. Da Naɗi Dakka Ɠagattag Oh Ele, da anam awe attem.”

1 Korint 7:14

Amu ag doyeg! Danab nug Naɗinu ooppa genab ii dootte, amge ah nuhig nug ooppa genab dootte, gamu nug ahppa Kayaknu tituanak daatte. Aria, amubia ah nug ooppa genab ii dootte, amge nug gamu nug ooppa genab dootte, wau nug danabppa Kayaknu tituanak daatte. Anam iitta amu, haen aa nid menuadkkulah, ag am Kayak ele ouqa dayaknu elele iitta, amge anam iitta. Nid amu ag Kayaknu tituanak daatteb.

Genesis 1:27

Anam amunu, Kayak Nug danab ah, laa am danab, laa am ah, Nug bia haatom.

Taitus 1:6

Aun laa nug ikki danab daakku dayeb amu, nug Kayaknu neekkakppa ooppa kaliak laa iitta, nug ah laippuib gamu ele daakkuoitte. Ele amu, nug bekkod ag Jesusnu oolagppa genab doon, ag laa dilag neekkakppa kobol dubuttid ele, oɗe tappe nak kobol ele, ag amu ii hemananu daatteb. Na danab amubia na ikki danab anidna maadkkutnu elele.

Hosea 1:10

Anam aakku, me geha haen laa uɗieb, Israel am wan laa onig okkai ele daakku. Deɗ amuppa nuhig danab ah geha yu ihippa abuɗ huanak daatte, amubia ag huanak daaglag. Geha huanaknab, ebaqaknu elele iitta daaglag! Amu aben da ag amelagppa, ‘Ag amu dahil danab ah iitta,’ ami, aben amuppa geha da ahilagnu, ‘Ag amu da Kayak bauklel ele, ag da bekkalad,’ akkul.

Job 27:3

Kayak nug anam genab bau daatte, genab amubia da bau daattem haenppa, da oɗelppa nau laa ii madipa. Ao, genab amubia Kayak ehanikkekke, ulah da noolppa daatte haenppa, da ham-laa-ii-bubupa.

Epesus 6:4

Am nid mamelkad ag bekkalkad aɗelkad oppoɗi bak doomnanu ag tolittak tutukkuib matteg! Tolittak nau aib madappig. Iitta. Ag Naɗi nuhig nai ippunadnana, ib tutukkuppa omalatteg!

Matyu 15:19

Kobol eheɗ imu oh dabmakppanu bette; dabmak eheɗ, danab qe mauhak kobol, ewau pakkua gappai hak kobol, gappai hak kobol digdig laa, yabhok kobol, nai genab iitta anak kobol, baeg qak kobol ele,

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Prowerb 7:25

Ag ah ewau pakkua gappai hette ele, ag nug dim lamidkkulagnu aibnab dabmeppig; ag nug oitte ele, ag ib amu aon aib goppig.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.

Duteronomi 7:4

Aɗinu? Ag anam heppeg amu, danab ah amu ag heppeg, ag bekkalkad aɗelkad ele ag geha kayak laala noolagppa dup noa binag mak kobol hekkulag. Ag anam heppeg, geha Yawe Nug ahilagnu oo nauhak huana doya, Nug heeb, ag paha padal mena iitta mekkulag.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

1 Korint 7:2

Amge gappai kobol iɗu iɗu daatte amunu, danab oh anen anen ag ah diiglag, amu ah ag ele ag anen anen ahilag danab diiglag am ena.

Aposel 3:25

Kayak Nug propet oɗelagppa aɗi bekkunu aum, nug Abraham ele nug tituanya nai qagapiɗ ele amu, ag gemu daatteb, ag propet nai, nai qakkak amu ele, ag meulah aoglagnu daatteb. Nug Abraham ele nug tituanya nai qagapiɗnu nai am inam. ‘Da heppi, na buɗunppa wan ohppan danab ag itittak ena aoglag,’ awa aum.

Jon 20:22

Anam awowa, Nug ouɗi ahilagppa iwala, Nug aum. “Ag Kayak Ouɗi aweg! awa aum.

Prowerb 4:23

Nahip bau dayak attem gokku amu, na oot unuqagnabppanu bette amunu, na oot unuqagnab dabmettan, aut autnanab awe!

Nehemaia 13:24

Ag heppig ele amu, ahilkad nid obatak laa ag Asdot nai, o Amon nai, o Moap nai aakkuib madippig. Ag Hibru nai ii dooppig. ⌊Obatak laa ag Hibru nai dooppig.⌋

Esra 9:4

Da eheɗ nau doyen, dabmak huanak awewe, da heɗep nein daaiyi ukke ukke, tueb hanhan doɗ laa main Kayak medatteb, haen amu uɗie, da eɗue ahe daami. Amge haen da heɗep nein daaiyi, danab ah laa ag Kayaknu ebehilag oh bodoetta le mette ele, ag Israel danab ah Kayak ippunikkomnu oo metta ii uuak kobol ii dim lamidna oittebnu uug doon, ag diig amunu ag uɗin, da taliliɗna daappig.

Genesis 27:46

Rebeka nug Jakop amegppa awowa, nug ukka Aisak amegppa aum. “Da Hit ahnu ool bahi yaatte. Jakop nug ag oolagppanu ah laa aolo amu, da mauhlom am ena,” awa aum.

Genesis 24:44

nug, “Na lappe, da kamel dilag ele itakkul,” ab amu, aria amuppa da na nug dahil okkai bekka Aisaknu ah daakkunu tituanme dookkulnu oɗ medattem.’

Genesis 2:7

Dimppa Yawe Kayak Nug wan gappud awa, amuppa danab heum. Ha amu, Nug danab amu noob oɗeppa ouɗi iwale, bau dayom.

Eksodas 20:14

Na ewau aib pakkuna gappai heme.

Lewitikas 20:10

Am danab laa nug ewau pakkua heeb, danab laa wau ele gappai hekkulah dayeb, ag ah danab ele oh aqatppeg mauhkkulahoitte.

Rut 4:12

Yawe Nug heeb, aa buɗulti ag Juda, Tamar bekka Peres, nug buɗub bia daaglagnu oonig daatte,” aon appig.

1 Samuel 2:20

Aa goya teya daaeheh amu, Eli nug itittak ena matom. Nug itittak ena amu nai imuppa matata, nug inam Elkana amegppa aum. “Ah nahip imu nug Yawe unuqitte, Nug he, nug nid menua, nug eɗua, nid amu Yawe mettom. Nug anam heum amunu, Yawe Nug heeb, aa nid laala ele, nid amunu aben aoglagnu menuglahnu ool daatte,” awa aum. Nug anam a amu, aa eɗuya, appalah diigppa gopiɗ.

Prowerb 2:17

Am ah amu nug nid ahin dayaya, laa nug gamu daakkunu awom amu uuom. Ao, nug Kayak noobppa nug gamu wau daakkunu nug tituana nai qakkak heum amu, nug nai amu dimug ma, hamu bia doya, anam oitte.