Malakai 1:8 - Nobonob Baibel

⁸ Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Malakai 1:8 Referans Kwoze

Duteronomi 15:21

Amge doɗ tatam amu, ag beɗulagppa eheɗ laa daakku dayeb, amuam baeg nau autaut oiyakte, ameg gaɗuakte, o iitta ag beɗulagppa eheɗ laa ele dayeb amu, diig amunu ag Yawe, ahilag Kayak, ag nuhignu aib mana mettak heppig.

Hosea 8:13

Israel danab ah ag doɗ main, da meɗatteb. Ag mana mettak hena, ag teppu latteb, amge da, Yawe, da ahilagnu ena ii doottem. Gemu da ahilag hak naunu dabmein; da hipunin ag heppignu bu madakkul. Ag geha eɗun, Isip gokkulag.

Jeremaia 14:10

Da anam unuqidmi, amge Yawe Nug Juda danab ah dilagnu inam atte. “Ag da uuiɗna, laih oiglagnu oolag okkainab daatte. Ao, ag akka ag heppeg, ag eheɗ amu hemananu ib ahilag keldokkunu nakok laa iinab hetteb,” awa atte. Amu Yawe Nug anam dootte amunu, Nug ag Juda danab ah, Nug ahilagnu ena ii dootte. Nug gemu ahilag nau hak dabmekku. Ao, Nug ahilag hipunin ag heegeg uɗie, gemu ele hetteb, Nug diig amunu ag bu madakku.

Sam 20:3

Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Job 42:8

Ag eheɗ anam madippig amunu, ag makau gaiɗ eblaih aɗit ele, sipsip dawai eblaih aɗit ele, ag amu ele aon, dahil maɗi nid Job gumidna gona, ag doɗ amu manaknu ofa daaglagnu manadna meɗeg! Ag amu heppeg, dahil maɗi nid Job nug ahilagnu da unuqilkku. Nug anam unuqilkku, da nuhig unuqittak doyen, diig amunu da ag dahilnu dab-ii-maama hak kobol dim lamidppig amu, da kobol amunu bu madappi aolob ii madapa. ⌊Da ii madapa, amge ag bu aoglagnu daappig.⌋ Aɗinu? Ag dahil maɗi nid Job, Nug dahilnu nai tutukku mattiom bia ii madippig. Ag eheɗ madippig,” awa aum.

Malakai 1:10

Yawe Nukka Ɠagattag Oh Ele Nug atte. “Da laa nug ag mana mettak danab oolagppanu, nug ag mana mettak ena iitta amu ii manadmananu, nug dahil mettid lag, nuhig tomppan keeke oh elenu od manadkkunu ool okkai daatte! Da ahilagnu ena ii doottem. Da ahilag mana mettak amu, da ii aopa.

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Malakai 1:7

Ag inam iikku da onilnu, keeke hamunab, dootteb. Ag ee dubuttid tak ele akkan, dahil qaɗabppa dona, aguppa mena maitteb. Ag anam hena, ag oɗ meɗatteb. ‘Ig attem heut, na oo ettak doottem?’ aon atteb. Am inam. Ag da, Yawe, ag dahil qaɗabnu, am keeke hamunab, ig pehettak dabmekkunignu keeke iitta, aon atteb, amuppa ag hetteb.