Mak 9:7 - Nobonob Baibel

⁷ Ag anam daaegeg, lombig laa ag tonattette, lombig ooppa baag laa inam a dooppig. “Imuam da Bekkal, da nuhignu ool mauhtte. Ag nuhig nai doyeg!” awa aum.

Mak 9:7 Referans Kwoze

2 Pita 1:17

Haen Mame Kayak Nug Jesus binag huma, binag amahlak oppiaawak ele hab aabppanu mettom amu, ig doomut. Kayak Nug inam aum. “Imuam da Bekkal, da nuhignu ool mauhtte. Da nuhignu enanag doottem,” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Mak 1:11

Kayak Ouɗi Nug ne, baag laa hab aabppanu Jesus amegppa aum. “Na am da bekkal, da nahipnu ool mauhtte. Ele amu, da nahipnu oolppa enanagnab doottem,” awa aum.

Revelesen 1:7

Antteg! Nug eɗua lombigppa nekku. Danab oh ag Nug anidkkulag. Yo, danab ag Nug qetti banppa atulppig ele, ag ele Nug anidkkulag. Amu wan ohppan danab ag Nug anidna, ag nuhignu mahiak okkai hekkulag. Ao, keeke amu anam bekku. Genab.

Hibru 2:1

⌊Kristus Nug onig binag okkai ele amu awom daatte, Nug Kayak nai ippunikkom,⌋ diig amunu amu ig Nai Ena dim lamidkkunignu bodoettamtanu, ig nai doomut ele, nai amu ig aɗat dabmeta autanab aot dim lamidtu!

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Jon 1:34

Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 9:35

Jesus ag danab amu lamidppignu nai doya, Nug danab amu mattia antta, amegppa aum. “Na Danab Bekkalagnu ootppa genab doottemte o iitta?” awa aum.

Jon 5:37

Aria Mama Nug da meiɗe uɗimi ele amu, Nug dahilnu mattiom, amge ag Nug baag ii dooppig, gemu ele ii dootteb, ag Nug iɗu ele ii anidppig, gemu ele ii anidtteb.

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Daniel 7:13

Da tuqan tulegleg anidmi, amuppa da neekki ukke, da noolppa laa nug danab bekka bia, nug lombig hab waappa daatteb, nug amuppa dayaya uɗieye anidmi. Nug ukka, Kayak Hanhan Daatte guguitta ukke, laa ag omaleg, Nug gumittanab ukkom.

Sam 97:2

Bud, amu gatatu teppu ele aa Nug talilidya, happut-ttep. Nug king dayaya, Nug kobol genab tutukku ele, amu nai doya mala hettoɗia epeɗia elele mettak kobol eleib dim lamat-tte.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Eksodas 40:34

Moses nug mettid haknu peh lag amu anam ha male amu, lombig na, mettid haknu peh lag tone, Yawenu binag amahlak oppiaawak ele mettid haknu peh lag amu ohppa amba dayom.

Eksodas 24:16

Amu Yawenu binag amahlak oppiaawak ele qauko Sinaippa ne, Israel ag Yawenu binag amahlak oppiaawak ele amu aab ewak okkainab, keeke ewe iitta mette bia anidppig. Am lombig nug deɗ eblaih laippu ele anam qauko amu tona daye, aria deɗ eblaih aɗitppa, Yawe Nug lombig ooppa dayaya, Nug Moses ⌊nuhigppa tekkunu⌋ onigppa eum.

Mak 9:6

Aɗinu nug anam aum? Ag baɗan daanna, nai laa anak iitta amunu, Pita nug nai amu aum.

Mak 9:8

Baag anam doona amu, ag pahanab neekkeg ugekke, ag danab laa ii anidppig. Jesus nukka ag ele daanna anidppig.

Luk 3:22

Kayak Ouɗi Nug uppuɗil beɗulag nakok laabia nug qaɗeppa ne, baag laa hab aabppanu Jesus amegppa aum. “Na am da Bekkal, da nahipnu ool mauhtte. Ele amu, da nahipnu oolppa enanag doottem,” awa aum.

Jon 12:28

Jesus Nug anam anana amu, Nug nai tuɗitta aum. “Mame, na heppe, na onin nug binag amahlak oppiaawak ele miag atikkunu oɗ medattem,” awa aum. Anam a amu, baag laa hab attannu na aum. “Da tatam anam hemi, amu da baula anam hekkul,” awa aum.