Mak 9:47 - Nobonob Baibel

⁴⁷ Laa ele amu na amen he, na hipunin hettem dayeb, na amen laih amu kehan, maoppe ukkaɗ! Na amen laihigib ele daanna hab aabppa gokkut, amuam ena. Amge na amen aɗit oh ele daappe, ag na mawidppeg padal mak abenppa gokkut, amuam ena iitta.

Mak 9:47 Referans Kwoze

Matyu 18:9

Amubia na amen nug he, na hipunin hettem dayeb, na amen laih kehan, maoppe ukkaɗ! Na amen laihigib ele daanna, na bauklel aokkut amuam ena. Amge na amen aɗit oh ele daakkut, ag na mawidppeg, padal mak aben aab aɗ eleppa gokkut, amuam ena iitta,” awa aum.

Mak 9:43

Na eppen he, na hipunin hettem dayeb, na eppen laih amu okkule! Na eppen laihigib ele daanna, na haen oh bauklel daakkut, amuam ena. Amge na eppen aɗit oh ele daanna, padal mak abenppa gokkut, amuam ena iitta. Appanu aab amu, nug ii qauhtte.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Galesia 4:15

Oo maɗoɗppan gamag ahak ahilagppa dayom, amuam gemu adep meppig? Da genab ag amelagppa kobol ahilag ena amunu attem. Haen amuppa ag amelag kehaknu elelelob amu, aria ag kehan da amelppa melob.

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Mak 9:46

((Appa amu gawat ag ii mauhtteb, amu aab ele nug ii qauhtte.))

Jon 3:3

A amu Jesus oɗeppa awa aum. “Da genabnab genab na amenppa attem. Danab nug bau menuak ii aokku amu, nug Kayaknu ɗo maɗoɗ ii anidma,” awa aum.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.