Mak 9:27 - Nobonob Baibel

²⁷ Ag anam appig, amge Jesus Nug nid eppegppa aɗa ehanitte, nug aha hibaittom.

Mak 9:27 Referans Kwoze

Aposel 3:7

Pita nug anam awowa, eppeg bahia, eppeg naɗiap-ppa aɗa hume, pahanab baekuɗ kubuku bata noak oh ɠagattag ebapiɗ.

Mak 1:31

Aeg doya amu, Jesus Nug gumitta wana, ah amu eppeg aɗa ehanitte ahe, beɗu gakkaɗak iitta me, nug aha digma ehanittak keeke babaitta ehanattom.

Aposel 9:41

Anam dayeye, Pita eppeg aɗa, hume hibaittom. Nug eɗua ahe, Pita nug danab ah, Kayaknu oolagppa genab dooppig, ah qab ele, ag onilagppa e uɗieg, Tabita bau dayeye awa mattom.

Mak 8:23

Ag unuqeg amu Jesus Nug danab amu eppeg aɗa, omala aab dimittim ukka, Nug waɗu hunue, danab amegppa no, Nug eppeg danab qaɗeppa ma oɗ mettom. “Na keeke laa anidttemte?” oɗ mettom.

Mak 5:41

Ag nona, Jesus Nug nid ahin eppeg aɗa, ag nailagppa aum. “Talita kumi.” Nai amu diig am inam. “Da attem, nid ahin, na ahe!”

Mak 1:41

Nug anam a, Jesus Nug oo bodoetta le me, Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum.

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.

Matyu 9:25

amge Jesus Nug danab ah kuɗum amu oh lamattowa, Nug lag ooppa noa, Nug nid ahin eppeg aɗe, nug eɗua ahom.

Mak 9:26

Jesus Nug anam a amu ouɗi nau nug ewowa, nug nid huan uɗala, uuitta ukkom. Ugekke amu nid nug mauhak bia niieye, danab laala kuɗum ag, “Nug mauhom,” appig.

Mak 9:28

Aria, dimppa Jesus Nug lakka ukke, nug nuhikkud ippunittak awak danab ele daanna, ag Nug oɗ medappig. “Aɗinu ig ouɗi nau amu lamidkkunignu elele iitta?” aon appig.

Aposel 23:19

Aria, nug omala ukke, ban daup ikki anuqak nug nid amu eppeg aɗa, omale giginppa goya, aya daayya, nug nid amu amegppa aum. “Na aɗi nai da amelppa akkut amu na a!” awa aum.