Mak 8:29 - Nobonob Baibel

²⁹ Anam aeg amu Jesus Nug aum. “Anam amge ag akka, ag dahilnu aɗi atteb?” awa aum. Awa a amu Pita nug aum. “Na am Kristus!” awa aum.

Mak 8:29 Referans Kwoze

1 Jon 4:15

Laa nug Jesus am Kayak Bekka anana maditte ele, Kayak Nug danab amu nuhigppa daatte, amu danab amu nug ele Kayak nuhigppa daatte.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

Jon 11:27

Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Luk 9:20

Nuhig ippunittak awak danab ag anam aeg amu, Jesus eɗua ag oɗ mattom. “Anam aakku amge ag akka, ag dahilnu aɗi atteb?” awa aum. A amu Pita nug aum. “Na am Kristus; Kayak meitte uɗime!” awa aum.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Mak 4:11

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laala, ag dahil nai dim ii lamidtteb, ag nai danab nug keeke danab ag dootteb ii dootteb ele ouaqata ippunadtte, nai amuppaib anidtteb.

Jon 6:68

Jesus anam a amu, Saimon Pita nug aum. “Naɗi, ig aun toppa gokkunig? Nai nahip aakkuib bauklel hanhannu megatte.