Mak 6:20 - Nobonob Baibel

²⁰ Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Mak 6:20 Referans Kwoze

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Matyu 14:5

Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Mak 4:16

Amu ee aeg men duqe ukkakppa nena qeppig ele amu, nai amu inam ippunigtte. Danab laa ag nai doon, oolag gamag ahehe, pahanab aotteb,

Daniel 5:17

King nug Daniel amegppa anam a, Daniel nug nob ma aum. “O king, na keeke ena ena meɗakkutnu attem am da aokkulnu ool ii daatte. Na keeke amu nahipnu aɗakkut, o laa medakkutnu ool daatte. Amge da nai eppeg gililppa yom daatte umu, da ebqein, meu ele appi dookkut.

Daniel 4:27

Anam aakku amunu, O king, da ulum nai laa medappi, na nai amu aon dim lamidkkutnu oɗ medattem. Na hipunin baula aib heme, amu na aɗi hettem amu, na hanhan kobol genab tutukkuib he! Ao, na eheɗ laa aib heme, amu na danab ah, ag laa eppelagppa daaeg, eheɗ hadatteb ele, na amu dilagnu oo gai-iitta doya, oo metta, ehanattak kobol he! Na amu hekkut dayeb amu, Kayak Nug ehanitteb, na tuɗidna, maɗoɗ ele daakkuttai.” Daniel nug King Nebukatnesar amegppa anam aum.

Daniel 4:18

Da Daniel amegppa anam mattie, da tuɗitten, nug amegppa ami. Da, Nebukatnesar, da tul niien, keeke anam anadmi. Doyak danab laa ag dahil ɗo maɗoɗppa daatteb, ag tul niiak amunu meu appeg dookkulnu elele iitta amunu, O Beltesasar, na amunu meu appe doyei! Da doottem, kayak ouɗi nahip-ppa daatteb amunu, na elele,” awe ami.

Esekiel 33:32

Ag nahip nai dootteb, amge ag ii dim lamidtteb. Ag nahip nainu keeke hamu bia dootteb; danab nug layag ahi baag enanagppa hamu edatta, musik ele qa auta awe, layag ena dootte, amubia.

2 Stori 26:5

Sekaraia nug Usianu ehanittak danab laa. Nug Usia ebehi oh Yawenu bodoetta le mekkunu ippunittom amunu, Sekaraia bau dayom, haen amu oh Usia nug Yawe antta dim lamidkkunu Nug mattiom. Amu nug Yawe antta dim lamidkkunu Nug mattiom, haen amu oh Kayak Nug he, Usia nug aɗi heum am ena beum.

2 Stori 24:2

Joas nug anam king ba daye, mana mettak danab Jehoiada nug bau dayeye amu, haen amu oh Joas nug Yawenu neekkakppa kobol genab tutukku ele dim lamittom.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 6:21

Ag anam gona, Samaria tena daaegeg, haen Israel dilag king nug Aram ban danab amu anatta, nug Elisa inam oɗ mettom. “O dahil danab okkai, da aqadkkulte? Da aqadppi mauhkkulagte?” awa oɗ mettom.

1 King 21:20

Elaiya nug Yawe nai aum amu awa, nug Ahap gumitta ukkom. Ukka te amu, haen Ahap nug Elaiya antta, nug inam amegppa aum. “Kekeɗ dahil na, na eɗun dahilppa bemete?” awa aum. Awa a amu, Elaiya nug aum. “Ao, da na maditte uɗimi. Aɗinu? Na kobol eheɗib nahip ɠagattag ohppa hekkutnu dabmenan oittem. Yawe Nug nuhig neekkakppa kobol amunu am nauib dootte.

Eksodas 11:3

Aria, Yawe aum bia Israel anam heppig haenppa amu, Yawe Nug he, Isip danab ah ag Israel dilagnu, ag maɗi nid maɗi ah ele bia ii anadppig. Iitta! Ag danab ah ena anadppig, amu Paronu ehanittak anuqak danab ele, ag Mosesnu, nug am danab okkainab ele dooppig ⌊amunu, ag keekenu appig amu, ag hagakka ii aoppig. Iitta ag appig bia madappig⌋.

Aposel 2:12

Ag anam ana, ag oh eheɗ ottaina dabmak kuɗum aona, ag akka akka, “Keeke umu amu attemunnab?” aon appig.

Aposel 5:24

Anam aeg doona, aria mana mettak ikki danab amu ban daup Kayaknu mettid lag gumappig dilag ikki ele ag dabmak kuɗum aonna appig. “Keeke attemtai laa ana daakkutai,” aon appig.