Mak 6:14 - Nobonob Baibel

¹⁴ Amu Jesus Nug nuhig uɗat heehe, uɗatnu nai wan amu oh tone, King Herot Antipas doyom. Doyeye, danab laala ag Jesusnu uɗat amu anidna doona ag, “Danab amuam Layattak Jon mauhe, Kayak he, nug eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,,” appig.

Mak 6:14 Referans Kwoze

1 Tesalonaika 1:8

Naɗinu nai ag Tesalonaika ag mehuqppig, nai amu do oqotti bia prowins Makedonia, Akaia eleib ii ukkom. Iitta. Aabaab ohppa danab ag, ag Tesalonaika Kayaknu oolagppa genab dooppig, ag nai amu dooppig amunu amu, ig baula ahilagnu amunu akkunignu iitta.

Luk 13:31

Jesus Nug nai amu mattia male, haen amuppa ɗo gumak danab-Parasia laala ag dona, nug amegppa appig. “Na laih imu uun, ahan laih ukke! Herot Antipas nug na nitteb mauhkkutnu hette,” aon appig.

Luk 3:1

Amu Sisar Taiberius nug Rom danab gumadkkunu digme ukke ukke, maɗ 14 uue, nuhig gumak maɗ 15 ooppa, Romnu wan okkai laa onig Palastin ooppa, Pontius Pailat nug wan obatak laa onig Judanu gawana daya, amu gume, Herot Antipas nug wan obatak laa onig Galili gume, amag Pilip nug wan obatak aɗit laa onilah Ituria amu Trakonitis ele gumate, Lisanias nug wan obatak laa onig Abilene gumom.

Mak 8:28

A amu nuhikkud ippunittak awak danab ag appig. “Laa ag nahipnu, ‘Layattak Jon,’ atteb, amge laa ag, ‘Nug am Elaiya,’ atteb, amu laa ag, ‘Nug am propet oolagppan laa,’ aon atteb,” aon appig.

Mak 1:45

Jesus anam aum, amge danab amu nug Jesus oɗe bia ii heum. Iitta. Nug ukka, danab kuɗum amelagppa a dooppig amunu, Jesus Nug aabppa miag nokkunu elele iitta dayaya, Nug aben aben danab haen oh ii daattebppa dayom, amge appa ele danab aben ohppanu Nug gumidna goppig.

Mak 1:28

Ag anam anidna, nai amu pahanab tuɗitteg ukke, Galili wan atu ohppa ukkom.

Matyu 9:31

Jesus Nug anam aum, amge danab aɗit amu aa dimittim goya, Jesusnu nai wan atu amu ohppa meeh oiyom.

2 Stori 26:15

Amu Jerusalem appa Usia nug he, doyak danab ag keeke laala bappaidppig. Amuam masin ag lat doɗo, men okkai ele eppeg gokkunu elele. Ag keeke amu aon, lag attan ta ukkak menppa hak bappaidppig, lag amunu koɗokko uɗem ukkakppa, aɗ daug daugppa ele maadppig. Kayak Nug Usia ehanittak okkai mette, diig amunu Usia, Juda ele ag ɠagattagnab daappig amunu, danab ah umanab daappig, ag nug onig aakku doon, binag humappig.

2 Stori 26:8

Amon danab ele ag hanhan maɗ anen anenppa en takis bia, aon uɗin, Usia medappig. Amu Usia nug king daye, nuhig ɠagattag am okkai ele amunu, danab Isip ooppa ele, ag nuhignu nai dooppig.

Luk 9:19

A amu ag appig. “Laa ag nahipnu, ‘Layattak Jon,’ atteb amge laa ag, ‘Nug am Elaiya,’ atteb. Aria, laa ag nahipnu, ‘Nug am Kayaknu propet anukkanu laa eɗua hibaittom,’ aon atteb,” appig.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.

Luk 7:17

Amu danab ag Jesus keeke heum, ag amunu mattieg ukke, Juda wan ohppa, amu wan laala Juda talilittak ele ukke, appan danab ag dooppig.