Mak 5:43 - Nobonob Baibel

⁴³ Aria, Jesus anam hewowa amu, Nug ag danab laala amelagppa amananunab, “Aib,” ana, ag nid ahin ee mettaglagnu ele aum.

Mak 5:43 Referans Kwoze

Matyu 8:4

Ena daye, Jesus Nug danab amu amegppa inam aum. “Doye! Na danab laa amegppa, da na bappaidminu aib ame. Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu ele iitta,” awa aum. Jesus Nug anam awowa, Nug he ukkom.

Mak 7:36

Aria, Jesus Nug anam ha amu Nug aakku keeke amunu mattimnanu ɗo ɠagattag meum. Meum amge ag amu dim ii lamidppig. Iitta. Ag gona, amunu madippig. Nug heum, amunu amananu Nug baubau, “Aib,” aum, amge ag amu dim ii lamidppig. Iitta. Ag tuɗidna, huana Nug heumnu madippig.

Mak 1:43

Elele dayeye, Jesus Nug gokkunu paha amegppa a, gokkunu dayeye, Jesus Nug ɗo ɠagattag danab amu amegppa inam aum.

Matyu 9:30

Anam a amu, aa amelah oppatom. Oppate, Jesus Nug ɗo nai ɠagattag inam matom. “Dabmeiɗ! Aa keeke amunu danab laa apeɗ aib doyom,” awa aum.

Jon 5:41

Da danab ag da binal mekkulagnu ii dabmettem,

Luk 8:56

Nid ahin mameg anig ele aa anam anidya, aa ottaiya, dabmak kuɗum aopiɗ, amu Jesus Nug ɠagattag amelahppa aum. “Aa keeke imunu danab laa amegppa aib apiɗ,” awa aum.

Luk 5:14

Uuitte amu Jesus Nug danab amu amegppa aum. “Na danab laa amegppa da na bappaidminu aib ame! Iitta. Na gona, na beɗun mana mettak danab ippunidna, na Mosesnu ɗo atte bia, na doɗ main, Kayak mette! Aɗinu? Danab oh ag amuppa dooglag, na oɗe amu iitta,” awa aum.

Mak 3:12

Anam aeg, Jesus, Nug am Kayak Bekka amu, ag amunu miag atiak ii amananu ɗo ɠagattag mattom.

Matyu 17:9

Ag anam hewona, ahan qaukoppanu nenana, Jesus Nug ippunittak awak danab, ag keeke anidppig amunu mattimnanu ɗo ma, amelagppa inam aum. “Ag danab laippu laa amegppa kobol anidppig amunu aib madippig! Ag anam daappeg ukkeb, Danab Bekkalag da, da eɗue mauhakppanu hippaidppi ag mattiglag,” awa aum.

Aposel 10:41

Danab oh ii anidppig. Iitta! Ig laala, ig Nug anidta, aɗi heehe anttomnu mattiak danab daagnignu, Kayak Nug ig tituanikkom ele amu, Nug ig gumikka uɗie anidmut. Nug hibaitte, dimppa ig Nug ele ee, le ele lamut.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Mak 5:42

Jesus Nug anam a amu nid ahin nug pahanab aha oiyeye, danab ah ag nid ahin anidna, ag huanak ottaina dabmak kuɗum aoppig. Nug am maɗ 12 ele.

Mak 9:9

Ag anam antteg amu, Jesus Nug ag ele ahan, qauko uun nonana, Jesus Nug ag kobol amu anidppig ele, ag amunu danab laa amegppa paha amananu ɗo ɠagattag meum. Nug, Nug am Danab Bekkalag amu, Nug tatam mauhakppanu eɗua hibaitteb ag mattiglagnu aum.