Mak 3:4 - Nobonob Baibel

⁴ Nug anam a, danab nug hibaitta dayeye, Jesus Nug ɗo gumak danab-Parasia oɗ mattom. “Ɗo ihinig aɗi atte? Ig Sabat deɗppa ena hekkunig am enatai o iitta ig Sabat deɗppa eheɗ hekkunig am enatai? Ig hepput danab mauhkku amuam enatai o iitta ig hepput, danab laa nug mauhkkunu hette ele amu nug elele daakku amuam enatai?” awa aum. Nug anam oɗ matte amu, ɗo gumak danab-Parasia ag Jesusnu oɗmak amunu nob mekkulagnu oolag ii dayom amunu ag toettan, bakkum daappig.

Mak 3:4 Referans Kwoze

Luk 6:9

Jesus Nug ɗo gumak danab-Parasia amu ɗo mehuqak danab ele oɗ mattom. “Ɗo ihinig aɗi atte? Ig Sabat deɗppa ena hekkunig am enatai o iitta ig Sabat deɗppa eheɗ hekkunig am enatai? Ig hepput danab mauhkku, amuam enatai o iitta ig hepput, danab laa nug mauhkkunu hette ele, nug elele daakku, amuam enatai?” awa aum.

Mak 9:34

Nug anam oɗ matte amu ag ibppa, aun ag oolagppanu am okkai daattenu aeg ona aeg doum amunu, ag Jesusnu oɗmak amu nob ii meppig.

Hosea 6:6

Amunu diig am, da ag laanu oolag gai-iitta doon, oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem. Ao, ag da, Kayak, ag da genab dooiɗkkulagnu da anuqak doottem. Da ag manaknu ofa, da meɗaglagnu anuqak ii doottem,” awa atte.

Mak 3:3

Anam daaegeg, Jesus Nug danab eppeg nau ele amegppa aum. “Na ahan, danab ah noolagppa hippaidna daye!” awa aum.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.