Mak 3:33 - Nobonob Baibel

³³ Aon aeg amu Nug aum. “Da anil, amalad ele am aun aɗi?” awa aum.

Mak 3:33 Referans Kwoze

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Mak 3:21

Anam dayeye, Nug anig amakkud ele ag amu doona, ag ahan, Nug omalna gokkulagnu uɗippig. Aɗinu? “Nug kaaka qeum,” aon appig.

Duteronomi 33:9

Lewi buɗub ag nahipnu anuqak dooppig; baelkadppa dilagnu anuqak ii dooppig. Ao, ag nahip haknunab anak dim lamidppig; nahip nug tituana nai qakkak nai ele ii uuppig.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Jon 2:4

Nug anam a amu, Jesus Nug amegppa aum. “Anai, imuam i ihinih ohnu keeke iitta, amge da kobol danab hekkunu elele iitta, amu hekkulnu haen iite doum?” awa aum.

Luk 2:49

Anam a amu Nug eɗua amelahppa inam aum. “A aɗinu ahaya, da mattiɗttep? Da Mamel laugppa daakkulnunab daatte amu, aa iite doottep?” awa aum.

Mak 3:32

Danab ah kuɗum ag Jesus talilidna daanna, nai amu doona, Jesus amegppa appig. “Na anin, amapad ele na anidkkulagnu uɗin, dimittim daatteb,” aon appig.

Mak 3:34

Nug anam ana amu, Nug neekka oiyaya, ag Nug talilidna daappig amu anatta, Nug aum. “Antteg! Imuam da anil amalad ele.