Mak 2:26 - Nobonob Baibel

²⁶ Amuam Abiatar nug mana mettak ikki danab dayom haenppa beum, amu haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele mattom,” awa aum.

Mak 2:26 Referans Kwoze

2 Samuel 8:17

Ahitup bekka Sadok, Abiatar bekka Ahimelek ele, aa am mana mettak danab daapiɗ. Seraia nug nai yaak danab dayom.

1 Stori 24:6

Ag om ena yaaeg, huu atten ag haen adekku uɗin, uɗat hekkulagnu daappig amu, yaak danab Netanel bekka Semaia, nug Lewi buɗubppan mana mettak danab iitta, ag oolagppanu amu, nug ag onilag yom. Ag King Dawit noobppa amu heegeg, mana mettak danab Sadok, Abiatar bekka Ahimelek, mana mettak danab ag baelkadppan dilag okkai, Lewi buɗubppan mana mettak danab iitta, ag baelkadppan dilag okkai, ag Dawit ele ag neegna daappig amunu, kobol eleleib beum. Ag Eleasar buɗubnu baelkadppanu danab okkai laippu awona, ag Itamar buɗubnu ele anamib heeg ukke, gogppa teppig.

1 Samuel 21:1

Dawit nug Jonatan uuitta, Ahimelek anidkkunu aab onig Nob, appa ukkom. Ahimelek nug am Yawenu mana mettak danab. Dawit nug ukka, Nop te, Ahimelek antta, nug eheɗ ottaiom. Nug eheɗ ottaia, beɗu hahaɗeɗe, nug Dawit oɗ mettom. “Amu aɗi diignu na nakkaib uɗime? Amu aɗi diignu laa nug na ele oh ii uɗipiɗ?” awa oɗ mettom.

1 King 4:4

Jehoiada bekka Benaia nug am ban daup ikki anuqak. Sadok, Abiatar ele aa amu mana mettak danab.

1 King 2:22

Am King Solomon nug oɗmak amu doya, nug inam aum. “Aɗinu da Sunem ah Abisak Adonaiya mettaknu, am na da oɗ meɗattem? Am anam dayeb amu, aria na tutukku da oɗ meɗappe, nug da oulppa nug king baɗ! Aɗinu? Nug am tatamnu, da awal. Amu mana mettak danab Abiatar, amu Seruia bekka Joap ele aa nuhig ehanittak daattep,” awa aum.

1 King 1:7

Amu Adonaiya nug Seruia bekka Joap, amu mana mettak danab Abiatar ele, ag nai madippig. Ag nai mattin, danab aɗit aa nug ele, ag oolag laippu daye, aa nug ehanidkkulahnu apiɗ.

2 Samuel 20:25

Sewa nug am nai yaak danab dayom; Sadok, Abiatar ele, aa mana mettak danab daapiɗ.

2 Samuel 15:35

Mana mettak danab aɗit Sadok, Abiatar ele aa appa daaglah amunu, na kingnu lag enanagnab, na appa nai aɗi dookkut amu, na aa amelahppa akkutnu elele.

2 Samuel 15:29

Dawit nug anam aum amunu, Sadok, Abiatar ele aa Kayaknu kunup maoya, eɗuya Jerusalem teya, aa aguppa daapiɗ.

2 Samuel 15:24

Amu mana mettak danab Sadok, Abiatar ele, Lewi buɗubppan mana mettak danab iitta, ag appa daappig ele amu, ag Dawit ele oh goppig. Lewi buɗubppan mana mettak danab iitta, ag Kayaknu Tituanak Nainu Kunup kontrak inak ele maoppig. Ag Kayaknu Tituanak Nainu Kunup maon nona, aab okkai dimittim meeg dayeye, Abiatar nug doɗ manatta, Kayak medette, aab okkaippan danab ah gokkulagnu ahappig ele, ag oh gona malaeg, nug amu uuom.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

Matyu 12:4

Haen amuppa Dawit nug Kayak laug ooppa noa, bret Kayaknu tituana mettak daatte, mana mettak danab agib lakkulagnu elele, nug amu awa lana, nuhikkud danab ele matte lappig.

Mak 2:25

Ag anam oɗ mettaeg amu Jesus Nug amelagppa aum. “Ag Dawit nug nuhikkud danab ele ag enug aqe, tutu mena daanna, Dawit aɗi heum amu, ag amu iite ebqeppig?