Mak 2:12 - Nobonob Baibel

¹² Nug anam a amu, oɗe danab nug aha, qaɗaqaɗ nuhig awa, ag noolagppa dimittim ukkom. Ugekke amu ag dabmak kuɗum aona, Kayak binag mena appig. “Ig deɗ laa keeke amubia ii anidmut,” aon appig.

Mak 2:12 Referans Kwoze

Matyu 9:33

Do amu, Jesus Nug ouɗi nau amu lamitte, oɗetup nug nai mattiom. Nai mattieye, danab ah kuɗum appa daappig ele ag dabmak kuɗum aonna appig. “Anukka keeke inam laa Israel ooppa ii beum,” aon appig.

Matyu 9:8

Ugekke, danab ah kuɗum ag amu anidppig amu, ag Kayaknu ebehilkad oh bodoetta le me, ag Kayak, Nug danab uɗat amu hekkulagnu ɠagattag mattom ele amu, ag Nug binag meppig.

Luk 7:16

Danab ah oh ag amu anidna, ag Kayaknu ebehilkad oh bodoetta le me, ag Kayak binag mena appig. “Propet naɗi laa ig oonigppa uɗiom. Kayak Nug ig ehanigkkunu uɗiom,” aon appig.

Aposel 4:21

Aa anam aeh, aria danab okkai ag aa amelahppa nai ɠagattag appig amu, ag nai anam bia laala ele tuɗidna awona, ag danab ah oh ag Kayak keeke he anidna, amunu oolag gamag ahe, ag Nug binag meppig anidna, ag danab ah amu diig amunu baɗappig amunu, ag Pita, Jon ele guittak mataglagnu ib ii anidna, heeg gopiɗ.

Jon 9:32

Anukka digmakppanu uɗiak gemu batak amu danab laa nug anig ameg gaɗuak ele menue, danab laa ameg babaitte, ameg ena dayomnu laa ii doottem.

Jon 7:31

Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.

Luk 17:15

Amu ag oolagppanu danab laippu, nug beɗu eɗua ena dayom anttowa, nug eɗua ukka, huana ewawa, Kayak binag meum.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 5:26

Ugekke amu danab ah oh ag dabmak kuɗum aona, Kayak binag mena, ag nuhignu ebehilkad oh bodoetta le me, ag appig. “Gemu ig kobol imu laanab anidmut,” aon appig.

Mak 1:27

Uuitte amu, danab laa ag danab amu anidna, dabmak kuɗum aona, amu ag akka akka Jesusnu appig. “Imu aɗi? Ippunittak imu am bau. Nug ehah ena ele, amu diig amunu Nug ouɗi nau amelagppa, ‘Ag ukkeg!’ atte amu, ag nuhig nai dim lamidtteb,” aon appig.

Matyu 15:31

Bappalatte, danab ah ag anam anidna, dabmak kuɗum aoppig. Aɗinu? Danab ah oɗetup ele, ag nai madippig, laa ag ebehilag kaliak ele, ag ena daappig, laa baelag nau autaut oippig ele, ag ena oippig, laa amelag gaɗuak ele, ag neegppig. Ena daappig amunu, ag Israel dilag Kayak binag meppig.

Matyu 12:23

Danab nug neekka, nai mattieye, danab ah ameg naɗi ag ottaina dabmak kuɗum aona, Jesusnu appig. “Danab imuam Dawit bekkatai,” aon appig.

Mak 2:11

Jesus Nug anam ana amu Nug eɗua, oɗe danab amegppa aum. “Na ahan, qaɗaqaɗ nahip aon, lakka ukke!” awa aum.