Mak 16:8 - Nobonob Baibel

⁸ Nug anam a amu ah ag eɗun, dimittim gona, moɗ uuna, ag beɗulag hahaɗeɗe, dabmak kuɗum aoppig. Ag huan baɗappig amunu, ag danab laa amegppa ii appig.

Mak 16:8 Referans Kwoze

Luk 24:37

Nug anam a, ag ottaina baɗan, ag dabmakppa appig. “Ig dottog laa anidttem,” appig.

Matyu 28:8

Engel anam a amu ah aɗit aa baɗapiɗ, amge maɗoɗppan gamag ahak okkainab ele dooya, moɗ uuya, nuhikkud ippunittak awak danab amelagppa akkulahnu qaiqaɗ gopiɗ.

Luk 10:4

Ag men doɗo inaknu hogot, oiyaknu battam, baelag gaɗa ele amu aib aoppig. Ag gonana, ibppa laa ele nai mattiglagnu haen aib kakidppig.

2 King 4:29

Elisa nug nai amu doya malowa, aria nug Gehasi amegppa inam aum. “Ahan bappaidna, dahil dudqak hokkat amu aon, eppenppa aɗan, na paha Sunem gokkut. Amu na gonana, ibppa danab laa anidna, aib na nug humidme. Am danab laa nug na humitteb amu, na nai nuhig aib nob meme. Na ah imu laugppa tutukku gona, na dahil dudqak hokkat amu nid nakok iɗuppa me!” awa aum.

Matyu 7:28

Jesus Nug nai amu mattia male, danab ah kuɗumnab amu ag Nug nai mattiom, ag amunu dabmak kuɗum aoppig.

Mak 16:7

Amunu ag gona, Pita amu Jesusnu ippunittak awak danab laa oh ele inam appeg doyeg! ‘Jesus Nug anuqa, Galili gotte amunu, ag ele gona, Nug anukka aum bia appa Nug anidkkulag,’ ” awa aum.

Mak 16:9

((Jesus Nug mettidnu deɗ anuqakppa, wagɗe buttuanab eɗua hibaittowa amu, Nug tatam Maria, Makdala ted, nug gumitta waum. Ah amunu amu, Jesus Nug anukka ouɗi nau eblaih aɗit ele beɗuppanu lamattom.