Mak 16:1 - Nobonob Baibel

¹ Aria, Sabat deɗ male, Maria, Makdala ted, Jems anig Maria amu Salome ele ag spais muttuɗig ena ele Jesus gaɗa bappaidkkulagnu daden meppig.

Mak 16:1 Referans Kwoze

Luk 23:56

Ag anttona amu, ag eɗun lakka gona, ag spais, leppu muttuɗig enanag ele Jesus beɗu laaittaknu amu babaittona, ag Sabat amu, ɗo atte bia, ag hik aoppig.

Mak 15:40

Amu Jesus Nug ad emaitakppa dayeye, ah laala ag piɗe daanna, neegna daappig. Ag oolagppan laa am Maria, Makdala ted, laa amu Jems gehanu Josep ele anilah Maria, laa am Salome.

Jon 19:31

Nug mauhom, deɗ amuam Juda ag ahilag Pasowanu Hobul bappaidkkulagnu deɗ aakku oqiom. Wagɗe deɗ amuppa Sabat deɗ okkai bekkunu dayom amunu, danab gaɗa Sabat amuppa ad emaitakppa aihattak ii niimnanu, Juda okkai ag Pailat nug heeb, daup ag gona, danab aihadppig ele baelag qiippeg mauhppeg, gaɗalag diiaknu Pailat oɗ medappig.

Jon 19:25

Aria, ag anam heeg amu, Jesus anig, amu laa nug Jesus anig ele aa emakkeg, nug, aria Klopas wau Maria, amu Maria Makdala ted ele, ah amu oh ag Jesusnu ad emaitak guguittak daappig.

Mak 16:8

Nug anam a amu ah ag eɗun, dimittim gona, moɗ uuna, ag beɗulag hahaɗeɗe, dabmak kuɗum aoppig. Ag huan baɗappig amunu, ag danab laa amegppa ii appig.

Mak 15:47

Nug Jesus gaɗa men moɗppa meeme amu, Maria, Makdala ted, amu Josep anig Maria ele aa aben amu anidpiɗ.

Mak 14:8

Ah imu nug dahilppa kobol ena hekkunu elele antta, nug heum. Nug da beɗulppa leppu muttuɗig enanag imu gokkaɗom amu, nug da ii mauhmi haenppa, da mauhe moɗppa niikkulnu beɗul babaittom.

Mak 14:3

Aria, Jesus Nug Betani appa danab onig Saimon, nug ⌊matu⌋ gaɗa oɗe nau ele ⌊gemu iitta meum⌋ amu, nug laugppa balalppa ee lanan dayeye, ah laa nug men id enanag, leppu muttuɗig enanag, nob okkainab ele inak, amu awa, Jesus gumitta uɗiom. Ag leppu amu bala laa onig nad, amuppaib heppig. Aria, ah amu nug id amu awa uɗia baag qe aoɗe, leppu amu Jesus igippa gokkaɗom.

2 Stori 16:14

Amu Asa nug ii mauhom haenppa nug he, danab ag nuhig boumak aben menppa hoippig. Men moɗ amuam Dawitnu Aab, aab amuppa dayom. Amu Asa nug mauhe, ag nug aguppa boumna, ag spais, keeke muttuɗig enanag laala ele kuɗumnab amuppa meeg dayeye, ag aab naɗi nug binag mekkulagnu ilappig.

Luk 23:54

Deɗ amuam ag Sabat deɗnu keeke babaittaknu deɗ, Sabat digmekkunu heum.

Mak 15:42

Aria, Jesus Nug mauhe, tueb meeme, deɗ amuam Sabatnu keeke babaittaknu deɗ, deɗ amu dimugppa am Sabat deɗ

Genesis 50:2

Anam ha mala amu, Josep nug Isipnu gaɗa babaittak danab ag nug waappa daappig, nug ag onilagppa e uɗieg, ag nug mameg Israel gaɗa aon, marasin meppeg, ii beɗamanu aum. Nug a, ag amu attem hekkulagnu deɗ 40 daanna hekkulag amunu, ag ahilag kobolppa deɗ 40 elele heppig. Amu Isip danab ag deɗ 70 Jakopnu oo doyak doonna daappig.

Mak 16:2

Anam amu, wagɗe mettidnu deɗ digmakppa buttuanab aam digma beebe amu ag ahan, moɗppa, Jesus gaɗa bappaidkkulagnu gonana,

Luk 24:1

Aria Sabat ukka male, mettidnu deɗ digmakppa buttuanab ah ag ahan moɗppa goppig. Ag goɗen muttuɗig ena ele babaitteg dayom, amu ele akkan goppig.