Mak 14:65 - Nobonob Baibel

⁶⁵ Ag anam ana amu laa ag digmen hunu qena, lamenppa ameg qakkona, eppelag bitakkan makkuɗnana appig. “Kayak ehanitteb, na aun na oittom appe dootu!” aon appig. Aria, mana mettak ikki danab, nuhikkud daup, ag ele nug makkuɗppig.

Mak 14:65 Referans Kwoze

Aposel 23:2

Pol nug anam awa a amu mana mettak ikki danab Ananias, nug aha, danab Pol guguittak daappig amu ag nug otti mataɗkkulagnu amelagppa aum.

Jon 19:3

Ag anam hena, ag haen kuɗum Jesus gumidna wana, eɗun uɗinna appig. “Na am Juda dilag king! Na binan ele,” aon appig. Ag anam anana, ag eppelag oohap tena, hippeg mataɗppig.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Jon 18:22

Jesus Nug anam a amu, daup laa hibaitta dayom ele nug eppeg oohap ta, hippeg mataɗaɗa aum. “Na mana mettak ikki danab nai amuppate nob medattemte?” awa aum.

Mak 15:19

Ag anam henana amu ag gumu laa, qaittobttob gumu bia, amu aona, Jesus ikki eɗunna onana, hunu qenana, Nug noobppa hambuppuak dup noa binag mak heppig.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Aisaia 52:14

Laa ag heppeg, nug beɗu nauha auttanab aokku. Ag anam heppeg, danab ah laa ele ag nug beɗu am danab beɗu bia ii anidmana. Ao, nug beɗunu anttak am keeke laa bia daakku. Nuhigppa anam bekku amunu, laa kuɗum ag nuhignu, am dabmak huanaknab aoglag.

Job 30:10

Ag da ele oh laippu daagnignu uuna, ag dahilnu oolagppa uuaknab dootteb. Ao, ag da iɗul hunu qekkulagnu uug laa ii dootteb.

Esta 7:8

Amu Haman nug Esta heeb, king nug ii qeeb mauhmanu oɗ medatta, nug Esta ɠagattagnab unuqkkunu gumitta ukka, nug balal Esta dayomppa, nug amuppa na qe, haen amuppanab King Ekserksis nug dad kingnu lag enanagnab guguittak dayom ele, nug appanu eɗua uɗiom. King nug eɗua uɗia amu, nug Haman nug balal Esta dayomppa oh daaeheh anata aum. “Nug da laulppa, dahil neekkakppanab kuinnu eheɗ hekkute?” awa aum. King nug anam aawo, laippun nuhig ehanittak danab ag Haman iɗu hautppig. Amuam laa Haman nug mauhkku ippuanattom.

Namba 12:14

Anam unuqitte amu, Yawe, Moses amegppa aum. “Nug eheɗ heeb, mameg nug iɗuppa hunulo, amu nug deɗ eblaih aɗit ele da noolppa daakkunu elele iitta daalo. Na heppe, nug deɗ eblaih aɗit ele haen tutu dayaknu aab kalak dimittim dayeb ukkeb, dimppa nug eɗua uɗikku,” awa aum.

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Mak 10:34

Meiɗppeg, iitta aɗi ag aon aon iuna, hunu iuna, bu qaun eleppa eheɗ mataɗilna, iuppeg mauhppi, deɗ ewam uueb amu da eɗuen hippaidkkul,” awa aum.

Maika 5:1

Kekeɗ ag uɗin, oo mekkan iqaglagnu daatteb amunu, Juda dilag anuqak danab, ag appeg, ban danab, ag ban hekkulagnu babaittak dayeg! Kekeɗ ag Israel dilag okkai hippeg buppa makkuɗkkulag.

2 Stori 18:23

Mikaia nug anam a, amu Kenana bekka Sedekaia nug Mikaia nai amu Ahap amegppa mattieye doya, nug aha, Mikaia gumitta ukka, hippeg mataɗa, nug aum. “Ouɗi Yawenu uɗiom amu, nug da uuiɗa, ib attem nahip-ppa ukka, nai amu na amenppa aum?” awa oɗ mettom.

Matyu 27:30

Ag anam anana, iɗuppa hununa, gumu Nug medappig amu, ag amu aon, ikki eɗunna oppig.