Mak 14:54 - Nobonob Baibel

⁵⁴ Ag Jesus aɗan omalna teegeg amu, Pita nug dim lamattom, amge nakok piɗe dim lamattom. Dim lamattatta, nug mana mettak ikki danab laugnu haɗap-ppa noum. Nug appa no, lag mamegnu daup ele daanna, nug aab uɗikka dayom.

Mak 14:54 Referans Kwoze

Jon 18:18

Haen amuam oug haen amunu maɗi nid, amu daup ele ag oug doona, ag aab laa ilan uɗignana daaegeg, Pita nug ele ulah qeum amunu, nug ele gakkaɗak aokkunu aab ilappig amu uɗikka dayom.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Jon 18:25

Saimon Pita nug aab uɗikka dayeye, ag nug oɗ medappig. “Na ele nuhig ippunittak awak danab laatai?” aon appig. Anam aeg amu nug aum. “Da iitta,” awa aum.

Luk 22:44

Jesus Nug beɗuppa uug nau, mauhak bia doyaya, Nug oo unuqagppanu unuqittette, heɗi tiig bia na, wanppa noum.))

Mak 14:38

Satan ag eeɗatteb eheɗppa gomananu ag dabmenan daanna, unuqitteg! Ag tutukku hekkulagnu dabmetteb, amge ag beɗulag am ɠagattag iitta,” awa aum.

Matyu 26:58

Ag Jesus aɗan omalna teegeg amu, Pita nug dim lamattom, amge nug nakok piɗe dim lamattom. Dim lamatta, nug mana mettak ikki danab laugnu haɗap giginppa ukkom. Nug appa ukka, nug haɗap-ppa no, lag mamegnu daup ele daappig. Nug kobol aɗi hebeppeg, amu anidkkunu dayom.

1 King 19:13

Baag bodoettak amu nai mattie, haen Elaiya nug doya amu, nug iɗu nuhig lamenppa hauta, nug dimittim ukka, men oɗe amu oɗeppa hibaitta dayom. Dayeye, baag laa nug inam nug amegppa aum. “Elaiya, na ippa aɗi hettem?” awa aum.

1 King 19:9

Aria, Elaiya nug Horep ukka, nug appa men oɗe laa antta, nug men oɗe amu ooppa ukka, tuqan niiom. Niia ahe, Yawe Nug nuhig nai imu mettom. “Elaiya, na ippa aɗi hettem?” awa oɗ mettom.

1 Samuel 13:7

Israel laa ag anam lokkumna daanna, laa ag ahan, Jodan leppa, le baag qak daattebppa, ag appa le mataɗna, Israel dilag wan laih laa, am Israel dilag huu okkai Gadnu wan, amu Israel wannu laih Gileat, ag appa ele gona, lokkumna daappig. Amu Israel danab laa ag gona, anam lokkumna daaegeg, Saul nug Gilgal appa dayeye, nuhikkud daup laa, ag lokkumak daaglagnu ii oolppig amu, ag appa nug ele daappig amge ag huan baɗaeg, beɗulag hahaɗom.

Mak 14:66

Amu Pita nug lagnu haɗap-ppa dayeye, mana mettak ikki danab, nuhig maɗi nid ahin laa nug doa,

Luk 22:54

Jesus Nug nai amu amelagppa ana male, ag Nug aɗan aon goppig. Ag Nug aon, mana mettak ikki danab laugppa ukkaegeg, Pita nug nakok piɗe dim lamatta ukkom.