Mak 14:31 - Nobonob Baibel

³¹ Awa a amu Pita nug ɠagattag aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Awa a amu ippunittak awak danab laa oh ag anamib appig.

Mak 14:31 Referans Kwoze

Jon 13:37

Anam a amu Pita nug aum. “Naɗi attemun? Da geha imu na dim lamidkkulnu elele iittate? Da geha na ehanitten, da nahip aben awen mauhkkul amunu amu, da uugnab laa ii doottem,” awa aum.

Eksodas 19:8

Mattie ⌊ag doon, danab ah amelagppa mattieg,⌋ danab ah oh ag appig. “Ig geha keeke oh Yawe Nug aum amu, ig hekkunig,” aon appig. Aria, danab ah ag anam appig amunu, Moses nug nai ag appig, nug nai amu awa ukka, Yawe toppa teum.

Jeremaia 17:9

O gadon, danab ah oolag unuqagppa hambuppuak aakkuib daatte. Danab aun laa danab oolagppanu nug amu heeb, babaittak daakkunu laa iitta. Aun nug amu tutukku dookkunu elele iitta.

Jeremaia 10:23

O Yawe, da doottem, ig danab ig ikka, ig ihinig oiyaknu ulumnab ii aɗattem. Ao, ig aɗi aɗi ihinigppa bekku amu, ig amu ii gumattem.

Prowerb 29:23

Danab nug dada hette, nuhig hak amu he, nug na qette; amge danab nug oo bodoettakppa daatte amu, nug binag aotte.

Prowerb 18:24

Danab laikkud ag nug ele gaɗappaib layam batappig, ag heppeg, nug na qa nauhkkunu elele; amge layag laa, nug am laikkud laa oh eɗattak, nug nug laikkud dabmatta auta autanab aotte.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

2 King 8:13

Elisa nug nai amu mattie, Hasael doya, nug Elisa nai mattiom amu nob ma, inam oɗ meum. “Da, nahip maɗi nid, da qai laabia aakkuib amunu, da attem hein, keeke naɗi amu da anam hekkul,” oɗ meum. Oɗ me amu, Elisa nug amegppa aum. “Yawe Nug keeke imu da ippuniɗom; na geha Aram dilag king bekkut,” awa aum.

Sam 30:6

Haen da ɠagattag dayeye, da ami. “Aɗitai laa heeb, da ii nein qepa!” ⌊Amge da anam ami dimppa amu, uug iwom.⌋

Matyu 10:33

Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul.

Mak 14:30

Pita nug anam a amu Jesus Nug oɗeppa awa aum. “Da genab na amenppa attem. Gemu tuqan imuppanab, matuk dawai haen ebqak aɗit ii gayeb, na dahilnu, ‘Da Nug ii doottem,’ aon, haen ewam batak akkut,” awa aum.

Mak 14:32

Ag gona, aben laa onig Getsemani tena, Jesus Nug ippunittak awak danab amelagppa aum. “Ag ippa daappeg, da ukken unuqidkkul,” awa aum.

Luk 23:23

Pailat nug anam aum, amge Juda ag wagainab mena, huanak ɠagattagnab enana, Pailat nug Jesus ad emaitakppa atulkkunu eppig. Ahilag ewak am Pailat nai aum, am amu eɗittom

1 King 11:22

Nug anam aum, amge Paro nug inam Hadat amegppa aum. “Na ippa daanna, na aɗi keekenu tutu meme amunu, na nahip wanppa eɗun gokkutnu attem?” awa oɗ mettom. Nug anam awa a, Hadat nug eɗua Paro amegppa aum. “Da keeke iitta, hamu dayeye gokkulnu ii attem. Iitta. Amge na da gokkulnu appe, da gokkulnu ool daatte,” awa aum.

Mak 10:39

Nug anam a amu, aa Nug amegppa apiɗ. “I am elele,” aoya apiɗ. Aa anam aeh amu Jesus Nug aum. “Genab, le mua ele da lakkul amu, aa lakkulah. Layattak uug nau ele da aokkul amu, aa layattak amu ele aoglah,