Mak 14:26 - Nobonob Baibel

²⁶ Nug anam a amu ag ahi laa ettona, ag ahan, dimittim wana, Olipnu Qaukoppa goppig.

Mak 14:26 Referans Kwoze

Matyu 26:30

Nug anam a amu ag ahi laa ettona, ag ahan, dimittim wana, ag Olipnu Qaukoppa goppig.

Luk 22:39

Nug anam awowa, Nug dimittim noa, Nug haen kuɗum hettom bia Nug Olipnu Qaukoppa ukkom. Nug ugekke, nuhikkud ippunittak awak danab ag Nug dim lamidppig.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Jems 5:13

Ag oolagppa laa nug uug dootte dayeb amu, nug unuqittaɗ! O iitta, lainig laa nug oo gamag ahak dootte dayeb amu, nug ahi edatta, Kayak binag maɗ!.

Kolosi 3:16

Kristusnu nai enanag meu ele ag oolagppa daakkuoitte! Ag akka akka doyak dabmak ena eleppa nug ippunidnana, nug ehanittak ele heig! Ag oolagppa Kayak amegppa, “Ena hen mekkame” anana, ag sam, mettidnu ahi, amu Kayak binag maknu ahi ele etteg!

1 Korint 14:15

Amunu da attem hekkul? Da unuqidkkul amu da ouɗil, dahil dabmak ele ohppa unuqidkkul. Da ahi edakkul amu da ouɗil, dabmak ele ohppa ahi edakkul.

Aposel 16:25

Qagate, aa anam daayya, tuqan tugmag Pol, Silas ele Kayak unuqidya daayya, ahi ele ettayya daapiɗ. Anam heeheh, maniguittak danab laa ag doyatppig.

Matyu 21:1

Aria ag gona, Jerusalem gukkuidna, ag aab Betpasi, Olipnu Qaukoppa dayom, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Mak 14:25

Da genab ag amelagppa attem. Da wain geha iikku lattem imubia baula paha ii lapa. Iitta. Dimppa da Kayaknu ɗo maɗoɗ ooppa dayeye da baula lakkul,” awa aum.

Jon 18:1

Jesus anam unuqitta male, Nug nuhikkud ippunittak awak danab ele ag ahan gona, oolnu noak onig Kidron mataɗna, olip dad laa appa dayom amu, ag dad amu ooppa noppig.