Mak 13:27 - Nobonob Baibel

²⁷ Da uɗien, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Mak 13:27 Referans Kwoze

Sekaraia 2:6

Amu Yawe Nug atte. “Ag Israel danab ah, kekeɗ ag heeg, ag matatun gona, laih laih daatteb ele amu, ag eɗun uɗieg! Ag yawalti uɗitteppanu uɗieg! Aɗinu? Da hei, ag ulah waɗele uɗittebppanu, amuam kaɗag, yau, qaban, yawalti ele amu, ag aben amu ohppa matatun gona daatteb, ⌊amge ehanittak dahilppa ag aben amu ohppanu ahan, eɗun uɗieg!⌋” awa atte.

Matyu 24:31

Uɗien, trampet gayebeb, da dahilad engel heppi, ag gona, danab ah dahilad da tituanadmi amu aben oh wanppanu, habppanu ele qagmaadna, diin uɗiglag.

Duteronomi 30:4

Am ag laih uma umanab diia ukka laih me dayak danab ah daaglagtai, me Yawe, ahilag Kayak, Nug ag qagmatta, eɗua diia uɗikku.

2 Tesalonaika 2:1

Aria Jesus Kristus, ihinig Naɗi, Nug eɗua uɗieb, ig oh Nug noobppa qagmeta, Nug ele daagnignu, O lainkad, ag keeke amunu dabmekkulagnu iikku attem.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Mak 13:20

Anam daatte amunu, Naɗi Nug haen amu tutuib daakkunu, haen amu ii okkullo, danab ah oh padal melob, amge Kayak Nug danab ah nuhikkud tituanattom ele, Nug amu dilag dabma, haen tutu okkulkku.

Matyu 13:41

Danab Bekkalag da, da dahilad engel heppi, ag gona, danab Kayaknu ɗo maɗoɗ ooppa daatteb ele, ag oolagppanu wannu etetuab nau, ig eeɗigtteb ele, amu oh amu aria danab ag kobol eheɗ hetteb ele, ag qagmaadna diin,

1 Pita 1:2

Ag Jesus Kristus oɗe dim lamidkkulagnu, Jesus tiigppa oppiak bena daaglagnu amu, Kayak, ig Mamenig, Nug anukka ag doyattom, amu amuppa Nug, ag nuhikkud danab ah daaglagnu tituanatte, nuhig Ouɗi he, ag oppiaawak daatteb. Ag amu, Kayaknu ehanittak okkai hamu mettak, amu nuhig maɗoɗ ele ahilagppa naɗi daaglahnu ool daatte.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Rom 8:33

Kayak nug danab ah tituanattom amu, aun laa nug ag hettoɗiakppa maadkku? Auntai, laa iitta. Aɗinu? Ag Jesusnu oolagppa genab dootteb amunu Kayak ahilagnu, “Genab tutukku hak danab,” aum.

Jon 11:52

Amu ele nug Jesus, Juda dilagib mauhkkunu ii aum. Iitta. Nug Jesus mauhkku, amuppa Kayaknu danab ah atu ohppa daatteb amu, Nug ag oh diia qagmaatteb, ag oh laippu daaglagnu aum.

Jon 10:16

Da am sipsip laa, sipsip aɗ imuppan iitta, amu ele dahilad, da amu ele diikkuloitte. Diippi, ag da baal dooglag, amu ag oh sipsip ameg laippuib daaglag; ahilag gumak danab ele laippuib daakku ⌊amuam da⌋.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Mak 13:22

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag ag hambuppualadkkulagnu hekkulag, amge elele iitta.

Matyu 24:24

Aɗinu? Geha danab laa ag hambuppuna, ‘Da am Kristus,’ o ‘Da am propet,’ akkulag. Ag anam anana, ag epponak keeke danab haknu elele iitta okkainab, amu kobol danab haknu elele iitta laala ele hekkulag. Ag amuppa Kayak danab ah, nuhikkud tituanattom ele, ag agnab hambuppualadkkulagnu hekkulag, amge elele iitta.

Matyu 24:22

Anam daatte amunu, Kayak Nug haen amu tutu daakkunu, haen amu ii okkullo, danab ah oh padal melob, amge Kayak nug nuhikkud tituanattom ele, Nug amu dilag dabma, haen tutu okkulkku.

Matyu 13:49

Amubia gog tak haenppanu deɗ am anam aakku bekku. Engel ag nena, danab nau ag genab tutukku hak danab oolagppa daatteb qagmaadna,

Matyu 12:42

Amu ele haen Kayak Nug danab ah epeɗiadkku, haen amuppa wan laappan kwin, wan amuam yau uɗitteppanu daatte, nug aha, danab ah haen gemunu dilag eheɗ hak amu miag atikku. Aɗinu? Nug wan batakppanu, amge nug Solomonnu doyak dabmak ena ele, nug amu dookkunu Solomon gumitta uɗiom. Nug anam uɗiom, amge gemu laa nug Solomon eɗittak am iikku daatte,” awa aum.

Aisaia 65:9

Da heppi, Jakop buɗub, amuppanu danab kuɗum bekkulag. Ao, Juda buɗub, amuppanu danab kuɗum dona, ag wan dahilppa daan oiglag. Danab ah da ag tituanadmi ele, ag dahil wanppa daan oiglag. Ao, dahilad maɗi nid maɗi ah ele ag aguppa daaglag.

Genesis 49:10

Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.

Mak 13:28

Nai amunu amu ag ad fignu kobol dabmena dabmak aweg! Ag ad fig nug uɗug bau bekkunu digma haultte anidna amu, ag haen amuppa, ‘Aam haen aakku digmette,’ aon atteb.