Mak 12:9 - Nobonob Baibel

⁹ Jesus Nug anam ana amu, Nug nai tuɗitta oɗ mattom. “Ag anam heppig amunu, dad mameg nug ahilagnu aɗi hekku? Nug inam hekku. Nug aha ukka, dad uɗat danab amu oh aqeb mauhppeg, nug grep dad amu eɗua awa, danab laala eppelagppa mekku,” awa aum.

Mak 12:9 Referans Kwoze

Rom 10:20

Anamib Aisaia nug ele oo ii baɗe, Nug oɗmak amunu ⌊Kayak oɗe awa,⌋ nai imu ⌊Kayak naippa yaak daatte⌋ aum. “Danab laa ag da aniɗkkulagnu uɗat ii heppig ele, ag am da aniɗppig. Ao, danab laa ag dahilnu oɗmak ii heppig amu, da ahilagppa miag atiak tule bemi,” awa aum.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Matyu 21:43

Amunu da ag amelagppa attem. Kayak Nug nuhig ɗo maɗoɗ ahilagppanu awa, danab laa eppelagppa meeb, ag meu ena aon mettaglag.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Matyu 12:45

nug eɗua ukka, ouɗi nau eblaih aɗit laa ele, ag ahilag ɠagattag kobol nau hekkulagnu nug eɗittak ele, nug amu diie, nug ele uɗitteb. Uɗin, ag lag amu ooppa nona daatteb. Noeg amu danab amu anukka nau dayom, amu gemu nug naunab daatte. Amubia danab ah haen gemu imunu ahilagppa am anam bekku,” awa aum.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Jeremaia 17:3

qauko okkaippa, amu gikkiɗah dad okkaippa ele meeg daatteb amu, ag amu dabmena, appa ag kayak hambuppuak laala, amu Aserah ele noolagppa dup nona binag metteb amunu, da ahilag en, ahilag keeke ena ena ele laa hamu madakkul. Ag wan ahilagppa aben ohppa kayak hambuppuak noobppa dup nona binag menan hipunin hetteb amunu, da aben amu oh laa hamu madakkul.

Aisaia 65:15

Ag ahilag hak nau, diig amuppa ag bu eheɗ amu aoppeg, dahilad danab ah ag ag onilag diin, anen anen laa amegppa, ‘Yawe Nug amu dilag bu mattom bia, nahip eheɗ laa awaknu anak waappa dayak am amubia daakkunu ool daatte,’ akkulag.” Yawe Nug anam atte. Amu Naɗi Yawe Nug heeb, ag nau hetteb ag mauhkkulag, amge Nug nuhikkud danab ah onig laa matteb ⌊ag enaib daaglag⌋.

Aisaia 29:17

Amu haen elab iitta Lebanon wanppa ad kuɗum daattebppa, aben amuppa wan eɗua, dadnu wan ittag ele dayebeb, appa ee enanag baaba, meu huanak okku.

Josua 23:15

Amge Yawe, ahilag Kayak, Nug keeke ena ag madakkunu nai ana qakkom ele, Nug amu ag genab mattom, genab amubia ag nug oɗe ii dim lamidkkulag dayeb, Nug geha ahilagppa haen nau ele heeb bekku. Nug geha wan ena Nug ag mattom, Nug imuppanu ag ohnab heeb, nauhna iitta mekkulag.

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Mak 12:8

Ag anam awona amu ag ahan gona, nid amu aɗan qeeg mauhe, ag nug gaɗa buɗieg, grep dad dimittim ukkom.” Jesus Nug anam mattiom.

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.