Mak 11:32 - Nobonob Baibel

³² Amge ig, ‘Danabnu keeke,’ apput amu, ig danab ah baɗadttem. Aɗinu? Ag oh ag Jonnu, nug am propet oolagppa genab dootteb,” akka akka aon appig.

Mak 11:32 Referans Kwoze

Mak 12:12

Jesus Nug anam a amu, Juda danab okkai ag Jesus Nug keeke danab ag dootteb ii dootteb ele ouaqata ippuanittak nai amu ag eheɗ hak ahilag anidkkulagnu mattiom dooppig amunu, ag Jesus aɗaglagnu ib madippig. Madippig amge ag danab ah kuɗum ⌊appa daappig⌋ ele baɗadppig amunu, ag Jesus uuidna goppig.

Matyu 21:46

Ag anam doona, aɗaglagnu ib madippig, amge danab ah kuɗum ag Jesusnu, Nug am propet laa dooppig amunu, ag Nug aɗaglagnu baɗappig.

Matyu 14:5

Amu nug Jon qeeb mauhkkunu heum, amge nug danab ah dilag baɗom. Aɗinu? Danab ah ag Jonnu, “Nug am Kayaknu propet,” aon appig.

Aposel 5:26

Danab amu anam a doona, ban daup ikki anuqak, amu nuhikkud ban daup ikki laa ele ag gona diippig, amge ahilagnu eheɗ laa ii heppig. Aɗinu? Ag baɗan inam akka akka appig. “Ig ag makkuɗadpput amu, danab ah ag ig menppa iqaglagtai,” aon appig.

Jon 10:41

Nug appa dayeye, danab ah kuɗum Nug gumidna uɗippig. Uɗin amu ag appig. “Genab, Jon nug Kayak dabmettaknu kobol danab haknu elele iitta laa ii heum, amge nug nai oh danab imunu mattiom ele, nai amu oh am genabib,” aon appig.

Luk 22:2

mana mettak danab okkai, ɗo mehuqak danab ele ag danab ah baɗadna appig. “Ig attem heta, Jesus qepput mauhkku,” aon madippig.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Mak 6:20

Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Matyu 11:9

Anam daatte dayeb, ag aɗi keeke anidkkulagnu goppig? Ag propet laa anidkkulagnu goppigte? Da ag amelagppa attem. Ao, ag propet anidkkulagnu goppig, amge nug propetib iitta. Nug propet uɗat aakkuib haknu iitta. Nug uɗat laa ele.

Mak 11:31

Jesus anam a amu, ag akka akka mattin appig. “Ig, ‘Habnu keeke,’ apput amu Nug, ‘Anam dayom dayeb amu, ag aɗinu nug oolagppa genab ii dooppig?’ akku.

Mak 11:33

Ag akka akka anam ana amu, ag Jesus amegppa appig. “Ig ii doottem,” aon appig. Aon aeg amu Jesus Nug aum. “Aakku amunu da ele ɠagattag aɗippa uɗat hettem amu, da appi ii doomna,” awa aum.