Mak 11:13 - Nobonob Baibel

¹³ Ag gonana amu Jesus Nug neekke, nakok uma ukke, ad fig anttom. Haen amuam ad fig meu awaknu haen iitta, amge uɗug kuɗum ad amuppa daappig ⌊amunu ad amu kobolppa meu ele daakkunu dayom⌋ amunu, Jesus Nug meu aokkunu gukkuitta ukka, Nug meunu neekka, Nug meu laa ii anttom, uɗugib.

Mak 11:13 Referans Kwoze

Matyu 21:19

Nug enug qe, ad fig laa ib daugppa dayeye antta, meu lakkunu waum, amge meu laa ii anttom. Iitta! Uɗugib anttom. Antta amu Nug ad amu amegppa inam aum. “Na baula meut iinab omana! Iittanab iitta,” awa aum. Anam a ad fig nug pahanab bunaɗom.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Luk 10:31

Haen amuppa Juda dilag mana mettak danab laa nug ele ib amuppa gokkunu noum. Am nug danab amu andatta, nug ib daug aiɗa wana, qe-eɗitta ukkom.

1 Samuel 6:9

Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.

Rut 2:3

Naomi nug anam aum amunu, Rut nug aha ukka, maɗi nid dad laappa uɗat heppig ele amu, nug ag dim lamatta, bali digma akkom. Dad amuam Boasnu, amge Rut nug amu ii doyaya, appa bali digma akkom. Boas, Elimelek ele, aa am aab ikki laippu.

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Mak 11:12

Aria wagɗe deɗ amuppa ag Jerusalem gokkulagnu Betaninu ahan ukkaegeg, Jesus Nug enug qeum.

Mak 11:14

Anam antta amu, Nug aum. “Na danab laa meu lakkunu na baula meut iinab omana!” awa aum. Awa a amu nuhikkud ippunittak awak danab ag nai amu dooppig.