Mak 10:45 - Nobonob Baibel

⁴⁵ Ag anam hekkulagnu diig amu Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta! Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Mak 10:45 Referans Kwoze

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Jon 13:14

Da ahilag Naɗi, ahilag ippunittak danab ele amu, da ag baelag ihaladmi amunu, ag ele nug baeg ihak hekkulagoitte.

Jon 10:15

amubia Mame Nug da dooiɗeɗe, da Mame doottem. Laa ele, da dahilad sipsip, ag ena daaglagnu dabmein dayeye, dahil bau dayak heppi iitta mekku.

Hibru 5:8

Jesus Nug am Kayak Bekkanab, amge Nug uug mawa, Kayaknu nai dim lamitta mauhom, amuppa Nug oɗe dim lamittaknu ippunittak awom.

1 Pita 1:19

Ag Kristus, Kayaknu Sipsip Nag, Nug am hipunin iitta, dubuttid ele iitta, ag Nug tiig enanag, amuppa ag uhuqak amu aoppig.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Mak 10:44

Amu ele danab laa nug ag oolagppa anuqak daakkunu oo dayeb, nug ag oh, ahilag begbeg maɗi nid dayaɗ!