Mak 10:1 - Nobonob Baibel

¹ Jesus anam ana mala amu Nug Kaperneamnu aha ukka, Juda ukka, Nug Judanu wan atu laa Jodan le laih dayom ele, appa ukkom. Ukka appa dayeye amu danab ah kuɗumnab ag Nug gumidna ukkaeg, Nug kobol hanhan hettom amubia ag amelagppa Kayak nai ippuanattom.

Mak 10:1 Referans Kwoze

Jon 10:40

Anam daye amu, Jesus Nug eɗua Jodan le mataɗa, anukka Jon nug danab ah digma layattak mattomppa, appa ukka dayom.

Mak 4:2

Jesus Nug keeke danab ag dootteb ii dootteb ele ouaqata ippuanittak naippa keeke kuɗum ippunattak ha, inam mattiom.

Jon 11:7

Dayaya, dimppa Nug nuhikkud ippunittak awak danab amelagppa aum. “Ig eɗut, Juda wanppa gotu!” awa aum.

Mak 6:34

Tena daaegeg amu, haen Jesus ukka eeɗa, danab ah kuɗumnab gona daaegeg anatta, Nug ahilagnu oo bodoetta le meum. Aɗinu? Ag am doɗ sipsip ag gumak danab iitta, ag amubia daappig. Anam amunu, Nug ag keeke kuɗum ippuanattom.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Jeremaia 32:33

Ag da dimeɗan, ag dahilppa doaknu uuppig. Da ippunittak haen kuɗum ag madakkulnu hemi, amge ag dooglagnu daulag ii human dooppig. Da ag toliatte, bu mattami, amge ag oolag ii eɗuom. Iitta.

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Mak 6:6

Ag oolagppa genab ii dooppig amunu, Nug dabmak kuɗum awa, Nug aab amuppanu aha, aab laalappa ukka, Kayak nai mehuqom.

Mak 2:13

Aria, Jesus baula eɗua, le ameg Galili ihippa dayeye, danab ah kuɗumnab ag gumidna ukkaeg, Jesus Nug Nai Ena ippuanattom.

Eklisiastis 12:9

Ippunittak danab nug nai imu yom amu, nug am doyak dabmak okkai ele, amge nug nukka amu aɗa, nugib ehanidkkunu ii heum. Iitta. Nug doyak amu danab ah dooglagnu ele ippuanattom. Nug dabmak okkainab awawa, nug oiyak ehanittaknu nai tutu elenu meu pehettak anidkkunu haaha, nug awa babaitta, listappa pehettak yom.

Matyu 26:55

Aria, haen amuppa Jesus Nug danab ameg naɗi amu amelagppa aum. “Da nai tappe nak danab naute daattem amunu ag qep elab, daɗib ele aon, aɗailkkulagnu uɗippig? Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig.

Mak 1:21

Aria, ag Jesus dim lamitteg, ag oh ahan Kaperneam goppig. Gona daanna, Nug Sabat deɗppa Juda dilag nai doyak lakka appa ta, Kayaknu nai ippuanattom.

Mak 6:2

Ag gona tena daanna, Sabat deɗppa Nug Juda dilag nai doyak lakka ta, digma Kayaknu nai ippuanattom. Ippuanatte amu danab ag doona, dabmak kuɗum aona appig. “Danab imuam attemun? Aun danab imu doyak dabmak ena ele imu oh mettom? Nug attem ha kobol danab haknu elele iitta laala hette?

Mak 10:2

Haen amuppa amu ɗo gumak danab-Parasia laala ag Jesus gumidna gona, Nug inam oɗ medappig. “Ihinig ɗoppa amu danab laa nug ah nuhig lamitteb gokku am enate o ena iittate?” aon appig. Ag Jesus ma anttak mettaglagnu anam oɗ medappig.

Mak 12:35

Aria, Jesus Nug Kayaknu mettid lag ooppa dayaya, danab ah ippuanattatta amu, Nug ag oɗ mattom. “Ɗo mehuqak danab ag, ‘Kristus, Nug am Dawit bekka,’ aon atteb, amge attem doona, ag anam atteb?

Mak 14:49

Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig. Amge Kayak nai daatte amuib bekkuoitte,” awa aum.