Mak 1:35 - Nobonob Baibel

³⁵ Aria, wagɗe buttuanab Jesus Nug lakkanu aha, aab uua, aben danab haen oh ii daattebppa ukka, unuqittatta dayom.

Mak 1:35 Referans Kwoze

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Epesus 6:18

Ag hanhan Kayak Ouɗippa Kayak Nug ag ehanadkkunu unuqittak digdigppa attem attem Nug ag ehanadkkunu unuqidkkulag. Ag keeke amu dabmenana ag aib bodoedappig. Amu ele ag Kayaknu danab ah oppiaawak ele laa oh dilagnu ele hanhan unuqidkkulag.

Luk 5:16

amge Nug haen kuɗum aben laih, danab ii daattebppa ukka, Nug unuqidttom.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.

Jon 6:15

Aria Jesus doyom, ag Nug aɗan heppeg, ahilag king daakkunu heppig amunu Nug aha, qauko laappa nukka ukkom.

Matyu 14:23

Nug anam a amu, ag ahan ukkaegeg, Jesus Nug danab ah amelagppa, “Enad ukkeg,” awowa, Nug nukka unuqidkkunu qaukoppa nakok ta dayom. Ta dayeye, aam no, amu Nug nukka qauko amuppa dayom.

Pilipai 2:5

Jesus Kristusnu dabmak bianab ahilagppa daakku am ena.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Sam 109:4

Da ahilagnu, “Da lailad,” doyen ehanadmi, amge ag nai nauppa da yaaiɗtteb. Ag anam hetteb, amge da unuqittak ii uuttem!

Matyu 14:13

Haen Jesus nai amu doya amu, Nug aben amu uua, uub awa, aben danab ii daatteb, appa gokkunu ukkom. Nug anam ugekke amu, danab ah kuɗumnab ag nai doona, ag aab laalappanu ahan, Jesus ugekke, ag baelagppa Nug dim lamidna goppig.

Mak 1:36

Dayeye, nakok dimppa Saimon laikkud ele ag Jesus mattin