Maika 7:9 - Nobonob Baibel

⁹ Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.

Maika 7:9 Referans Kwoze

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

1 Samuel 24:15

Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Revelesen 18:20

O hab aab, na nuhigppa beum amu, na maɗoɗppan gamag ahak doye! Amu ag Kayaknu danab ah oppiaawak ele, Kristusnu totol danab, amu Kayaknu propet ele amu, ag ele anam heig! Kayak Nug aab okkai amu nug ahilagppa eheɗ heum, Nug amunu nug nob nau aakku mettom,” awa aum.

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Sam 43:1

O Kayak, na heppe, tutukku hak dahil miag atikkunu ool daatte. Ao, danab ag nahipnu oo metta ii uuak kobol ii dim lamidtteb amu, ag da naippa meiɗppeg, na dahilppa daanna, ahilag nai qeppe nekkunu oɗ medattem. Ge, haen danab nau, ag hambuppuak danab, ag da heiɗppeg nauhkkulnu heppeg amu, na ehaniɗppe, da ag eppelagppa, qagaiettak amuppa ii daapanu unuqidttem.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

2 Samuel 24:17

Amu haen Dawit nug engel danab ah aqom antta amu, nug Yawe amegppa aum. “O Yawe, daib hipunin hein, eheɗ hemi. Imu ag am sipsip bia aakkuib. Ag aɗi eheɗ heppig? Iitta. Da eheɗ hemi. ⌊Da hipunin hemi amunu, na anam hekkutnu anidttem dayeb,⌋ na da, da baeladppa ele iqakkutnu ool hette,” awa aum.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

1 Samuel 25:39

Nabal mauhe amu, danab laa nug amunu Dawit amegppa a, Dawit nug aum. “Nabal nug dahilnu eheɗ heum, nug dahilnu am keeke hamunab doyaya heum, amge nob mettak nau Nabal nug heumnu amu, Yawe Nug da ehaniɗa, eɗua awa, Nabal mettom amunu, ig Yawe onig humapput, attan taɗ! Yawe Nug nuhig ehanittakppa da ehaniɗe, nob mettak nau eɗuen awen, Nabal medakkulnu ii hemi. Yawe nug Nabalnu eheɗ hak antta awa, eɗua Nabal mettom.” Dawit nug anam aum. Dawit anam awowa, dimppa amu nug nuhikkud maɗi nid laala maatte, ag Abigel gumidna gona, oɗ medappeg, nug uɗia, geha nug Dawit wau daakkunu goppig.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

Gayak Nai 1:18

Yawe ⌊bu mekkomnu, ig⌋ Nug genab tutukku hak kobolib dim lamidtte ⌊dootu⌋! Amunu diig am ig Juda danab ah, ig nuhig nai tappaut neum. Ag wanppan wan ohppan danab, ag doyeg! Ag neegna ihinig guittak antteg! Ihinkad nid danab bau, ihinkad ah makkun ele, kekeɗ ag wan laappan diia ukka laih me dayak danab ah daaglagnu diiatteg gona, appa daan oitteb.

Sam 94:15

Laa amu, Nug heeb, hettoɗiak danab ag genab tutukku hak kobol dabmenana, ag nai doya mala hettoɗia epeɗia elele mettak kobol dim lamidkkulag. Amu laa oh ag oolagppanab Kayaknu dabmetteb ele, ag amu dim lamidkkulag.

Sam 119:154

Danab ah ag da eheɗ nau hemi anan, da mauhkkulnu atteb, amge na heppe, ag hambuppuak madittebnu miag atikkunu, na da qagaiettakppanu eɗua uhuqak hena meɗakkutnu oɗ medattem. Ao, na da bau daakkulnu nai ame amu, na amu hekkutnu unuqidttem.

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 56:1

Yawe inam atte. “Danab ah padal memananu ehanittak kobol dahilnu amu, ehanittak amunu haen am miagnab doum daatte; am uma iitta. Ge, dahil genab tutukku hak kobolnu amu, kobol dahil amu miag atiak daakkunu haen miag uɗiom daatte amunu, ag nai doya mala hettoɗia epeɗia elele mettak kobol dim lamitteg! Ao, ag kobol tutukkuib dim lamitteg!

Jeremaia 10:19

⌊Amu Jerusalem danab ah ag oɗelag oohona, inam akkulag.⌋ O gadonnab gadon, da guittak aomi daattem. Da guittak aoi, ihil mettom ele amu, laa nug heeb, ihil amu qaɗaiedakkunu elele iitta. Anam, amge da dagakka, da amelppa ami. “Imuam dahil oɗe. Da maokkulnu daattem.

Jeremaia 51:10

Amu Israel danab ah ag akkulag. “Yawe Nug ehanittak okkainab mekke, ig Babilon eppelagppa ii daattem. Ahappeg, ig Sion appa Yawe, ihinig Kayak, ig Nug attem attem heum apput doyeg!” aon akkulag.

Job 35:14

Job, na gemu na Kayak anidkkutnu elele iitta daattem attem, na nahip nai Nug noobppa daatte, amu na Nug ameg mettem attem,

Aisaia 51:22

Naɗi Yawe, ahilag Kayak, Nug hettoɗiakppa ahilag ehanittak daatte amu, Nug atte. “Antteg! Da kap laa, wain kap amuppa daatte, wain amu he, danab nauhtte ele amu, da kap amu ag eppelagppanu eɗue aomi. Ag eheɗ heeg, da oppoɗil be, bu mattami, amu bu mattak amuam wain nau kap-ppa daatte bia, amge ag baula wain amu ii lamana. Am malak.

Jeremaia 14:7

⌊Yawe Nug gu ii nekkunu anam mattie, da unuqitte ami.⌋ “O Yawe, ig hipunin hemut, amge na, na oninnu dabmak anuqak aon, na ehanigkkutnu unuqidttem. Ig haen kuɗum na dimedata autta aomut. Ao, ig nahip-ppa hipunin hemut.