Maika 7:8 - Nobonob Baibel

⁸ ⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.

Maika 7:8 Referans Kwoze

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Aisaia 9:2

Danab ah ag gatatu naɗi ooppa daan oippig amu, ag amahlak okkai anidkkulag. Ao, danab ah ag gatatu abenppa daan oippig amu, amahlak ahilagppa amahalkku.

Sam 112:4

Haen genab tutukku hak danab ag gatatuppa daatteb amu, amahlak ahilagppa amahaltte. Yo, kobol amuam oo bodoette enanag maɗoɗ ele hak danab, oo bodoetta le mak danab, amu genab tutukku hak danab ele, ahilagppa bette.

Sam 27:1

Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa.

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Sam 38:16

Da unuqitte ami. “Dahil kekeɗ ag dahilnu, ‘Enanagnab na qeum,’ amananu, na ehaniɗppe, da nein ii qepanu oɗ medattem. Ge, dahil kekeɗ ag da eɗilmananu, na ehaniɗppe, da nein ii qepanu unuqidttem.”

Revelesen 22:5

Gatatu baula ii daama. Lamnu amahlak am aam amahlaknu uɗat ele baula ii daama. Aɗinu? Naɗi Kayak Nug amahlak mattebeb, ag haen oh king daaglag.

Sam 84:11

Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Sam 97:11

Nug he, amahlak am genab tutukku hak danab ah dilagppa amahaltte. Nug he, ag maɗoɗppan gamag ahak aotteb.

Esekiel 35:15

Ag kekeɗ heeg, Israel wan hele-ettak beum, haen amuppa ag oolag gamag ahom amunu, da heppi, ag Edom, ahilag wan am anamib daakku. O Qauko Seirnu danab, da heppi, ahilag wan oh am hele-ettak daakku. Anam dayeb am, ag Edom danab, ag dooglag, da am Yawe.” Yawe Nug anam atte.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Jon 16:20

Da genabnab genab ag amelagppa attem. Wanppan danab ah wannu kobol dim lamadtteb ele ag oolag gamag ahakku, amge geha ag dahilad daatteb amu, ag naɗi gaaglag; ag oo doyak ele gaaglag. Ag geha oolagppa oo doyak okkai aon daaglag, amge ahilag oo doyak am eɗueb, ag maɗoɗppan gamag ahak dooglag.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Maika 7:10

Yawe Nug anam heeb, ihinkad kekeɗ ag anidna, ag uɗa nak naunab nau dooglag. Ao, laa ag ig amenigppa, “Yawe, Nug am ahilag Kayak, Nug adeppa daatte?” appig ele amu, ag uɗa nak anam dooglag. Ag anam nena qekkulag, ig amenigppanab ahilag na qak anidkkunig. Ao, haen amuppa Yawe Nug heeb, danab lekkoh tappa gotte, amubia danab ag ihinkad kekeɗ baelagppa tappaladna oiglag.

Esekiel 25:6

Aɗinu? Naɗi Yawe Nug inam atte. “Ag Israel dilagnu oolag aeg be, Israel ag nauheg anidna, ag oolag gamag eheɗ ahe, eppelag tap qenana, baelagppa wan tabatabeɗappig

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Jeremaia 50:11

Amu Yawe Nug atte, “Ag kekeɗ ag dahiladnab danab ah eheɗ hattana, ahilag keeke aon gotteb ele, ag amunu oolag gamag ahatte. Makau balat, mameg qakkaknu muɗi uhuqe, enanag dootte bia, ag dahilad danab ah dilagppa eheɗ heppignu enanag dootteb. Ag hos dawai enanag doyaya, huana gaatte bia, ag gamag ahak doon etteb.

Aisaia 49:9

Na danab ah maniguittakppa daatteb amelagppa, ‘Dimittim doig!’ appe dooglag. Ao, na laa, ag maniguittak gatatu eleppa daaglag amelagppa, ‘Ag baula maniguadppeg, gatatuppa aib daappig!’ appe dooglag. Na anam heppe, ag eɗun wanelagppa gobeppeg, da heppi, ag ib daugppa ee elele anidna, ag qauko nakok, ee ii daatteppa ele ee anidkkulag.

Aisaia 2:5

O Jakop buɗub, ag doppeg, ig Yawenu ib amahlak ele, ig amuppa teta oitu!

Sam 37:24

Nug taataɗ qedakkutai me, nug anam heeb, Yawe Nug eppeg aɗatte amunu, nug na qa, auta autanab ii aoma.

Sam 37:21

Nau hak danab ag, ag lon aona, nob eɗun ii metteb, amge genab tutukku hak danab ag keeke mettaknu oolag qak iitta dim lamidnana, ag laa madatteb.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

2 Korint 4:9

Am danab nau ag ig eheɗ heigtteb, amge Kayak Nug ig ii uuigtte. Ag ig oikkeg, neta qettem, amge ig nauha auta awaknab ii daattem.

Sam 20:8

Aabaab amu ag gatelag qaun ona daan, ag geha nena qena autnanab aoglag, amge ig am ahat, alet anam hippaitta daagnig.” Laa nug anam aum.

Jeremaia 8:4

Amu Yawe Nug aum. “Jeremaia, na Juda danab ah amelagppa inam appe doyeg! ‘Yawe Nug inam awa atte. Danab ag nena qetteb amu, ag eɗun iite ahatteb? Danab nug ib eheɗ awa gotte amu, nug eɗua, ib tutukku iite aotte?

Jeremaia 48:27

Ag Moap ag Israel aon aon iite aqappig? Ag Moap, ag Israel dilagnu, “Yabhok danab lailkad aakku,” dabmena, ag Israel dilagnu aɗi nai maditteb, ag amu mattinna, ag Israel dilagnu, “Keeke hamunab,” doon, ag ikkilag matuɗtteb, amge amuam genabte amunu ag anam hetteb?

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.

Maika 4:10

O Israel danab ah, kekeɗ ag heppeg, ag aab okkai ahilag uun, laih gona daaglagnu gonana, ag ib daugppa dad okkaippa haen tutu dayaknu aab nakok kalan daan, ahan gona, baula anamib henana gokkulag amunu, ag ah nid aokkun guittak nau doyaya, beɗu itoɗitte, ag amubia guittak doyeg! Kekeɗ ag heppeg, ag Babilon appa diia ukka laih me dayak danab ah daaglagnu gokkulag, amge Yawe Nug amunu qagaiettakppanu eɗua uhuqak ha madakku. Ao, Nug qagaiettakppanu ehanittak okkaippa uhuqatteb, ag ahilkad kekeɗ eppelkadppa ii daamna.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Sam 143:3

Dahil kekeɗ ag da lamiɗna, ag da oiɗeg, wanppa noin qei, ag da laa ag mauhak moɗ gatatu eleppa daatteb, ag da amubia daakkulnu hetteb.