Maika 5:9 - Nobonob Baibel

⁹ Laa iitta, am amubia, ag Jakop buɗub oɗo yaak danab daatteb ele, ag kekeɗ ahilag huan eɗadkkulag. Ao, ag ahilag kekeɗ hadappeg, ag padal mekkulag.

Maika 5:9 Referans Kwoze

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Sam 21:8

⌊O Yawe,⌋ na geha nahip kekeɗ aɗualadkkut. Ao, na eppen naɗiap ɠagattag am geha, laa ag nahipnu nau ninig ele dootteb amu aɗualadkku.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

1 Korint 15:25

Amunu diig am, Kristus Nug keeke ohnu gumak danab dayebeb ukkeb, Kayak heeb, Kristus Nug nuhikkud kekeɗ oh tabatteb, ag nug baeg waappa wakkulagoitte.

Luk 19:27

King nug anam ana, nug nai tuɗitta aum. ‘Aria laa ag da kekeɗ meɗan, da ahilag king daakkulnu uuppig amu, ag diin, da noolppa ippa dona, aqappeg mauheg!’ awa aum.” Jesus anam aum.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Aisaia 33:10

Yawe Nug atte. “Gemu da ahakkul. Ao, da gemu kobol okkai heppi, danab ah ag da onil okkai meɗaglag. Ge, da uɗat okkai heppi, ag da binal okkai meɗaglag.

Aisaia 1:25

⌊O Jerusalem, danab amu ag nahip-ppa dubuttid bia daatteb amunu,⌋ da na uug mette, geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ da eɗue, nahip hak nau bappaidppi, na geha dubuttid iitta, oppiaawak bekkut. Ao, da geha ⌊danab ag silwanu dubuttid na gokkunu aab gakkaɗak naɗippa manatteb, amubia⌋ na tutukku daakkutnu bappaidkkul.

Sam 106:26

Ag anam heeg, Yawe Nug eppeg huma, nuhig nai hekkunu ɠagattag qetta ana, Nug heeb, ag atu taɗakppa mauhkkulagnu,

Hagai 2:22

Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Sekaraia 9:10

Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.